«Առավոտի» էլեկտրոնային փոստով ստացել ենք հետեւյալ հաղորդագրությունը, որը ստորագրված է՝ «ՀԱԿ քաղաքական խորհուրդ»: «Առավոտին» հաջողվեց պարզել, որ որպես ՀԱԿ քաղխորհուրդ են ներկայացել ՀԱԿ հիմնադիր հինգ քաղաքական ուժեր:
Հաղորդագրությունում ասված է. «Հայ Ազգային Կոնգրեսի քաղաքական խորհուրդը վերսկսում է իր աշխատանքները` իրական ժողովրդավարության, կուսակցությունների իրավահավասարության և փոխադարձ հարգանքի սկզբունքների հիման վրա:
Հայ Ազգային Կոնգրեսի կողմից նախկինում ձևավորված մարմինները լուծարվում են: Հայ Ազգային Կոնգրեսի քաղաքական խորհրդի նիստերը` ռոտացիոն սկզբունքով, վարելու են կուսակցությունների նախագահները:
Հայ Ազգային Կոնգրեսը դիմում է իր կազմից դուրս եկած կուսակցություններին վերադառնալ Հայ Ազգային Կոնգրես, նախկինում հռչակված նպատակներին համատեղ ուժերով հասնելու համար:
Կարդացեք նաև
Հայ Ազգային Կոնգրեսի կազմը հստակեցնելուց հետո Հայ Ազգային Կոնգրեսի քաղաքական խորհուրդը քննարկելու է անվանման, Ազգային Ժողովում «Հայ Ազգային Կոնգրես» դաշինքի խմբակցության և ընտրական հանձնաժողովներում Հայ Ազգային Կոնգրեսի հանձնաժողովների անդամների հարցերը»:
Մանրամասները եւ ՀԱԿ կուսակցության դիրքորոշումը՝ հաջորդիվ
