Վերջին տարիներին Հայաստանում շարունակվող աղքատության, գործազրկության, անարդարության և արտագաղթի համար պատասխանատու է իշխանության ղեկին գտնված կառավարությունը՝ ի դեմս վարչապետի, նախարարների և կառավարությանն առընթեր մարմինների ղեկավարների: Որոշ դեպքերում, ոլորտները պատշաճ կառավարելու ունակության բացակայությունը ուղեկցվել է կոռուպցիոն երևույթներով և պաշտոնատար անձանց համար անվայել վարքագծով, ինչը խորացրել է ժողովրդի դժգոհությունը, որն էլ դրսևորվել է 2013թ. փետրվարին կայացած նախագահական ընտրություններում:
«Օպերացիա «Ինքնամաքրում»» նախաձեռնությունը պահանջում է Սերժ Սարգսյանից ներկայացնել Հայաստանի Հանրապետության կառավարության այնպիսի կազմ, որի անդամների անունները արատավորված չլինեն սկանդալային կոռուպցիոն պատմություններով կամ անպարկեշտ վարքագծով և ցինիզմով: Նման մի շարք պաշտոնյաներ մատնացույց են արված կից ներկայացվող տեսանյութերում:
Ժողովրդավարական պետությունում իշխանությունը ձևավորվում է ժողովրդի կողմից և հարկատուների հաշվին պաշտոնավարող անձինք պետք է ունենան պատշաճ վարքագիծ և հաշվետու լինեն հանրության առջև:
«Օպերացիա «Ինքնամաքրում»» նախաձեռնությունը ներկայացնում է «Թրանսփարենսի Ինթերնեշնլ հակակոռուպցիոն կենտրոն» ՀԿ-ն, Ժուռնալիստների «Ասպարեզ» ակումբը, Հելսինկյան քաղաքացիական ասամբլեայի Վանաձորի գրասենյակն և Հայաստանի հելսինկյան կոմիտեն:
Կարդացեք նաև
Տեսանյութերը՝
Թրանսփարենսի ինթերնեշնլ հակակոռուպցիոն կենտրոնի մամուլի հաղորդագրություն
