Հատված ԱԺ նախագահ Հովիկ Աբրահամյանի հարցազրույցից:
– Առաջիկայում ձեւավորվելիք կառավարության մասով անակնկալների սպասե՞նք։
– Չեմ կարծում։
– Այսինքն՝ բոլոր հին դեմքերը մնալո՞ւ են կառավարության կազմում։
Կարդացեք նաև
– Բոլորը չեմ կարող ասել, բայց կլինեն մնայուն արժեքներ։
– Ո՞ր նախարարն է կոնկրետ Հովիկ Աբրահամյանի համար մնայուն արժեք համարվում։
– Չեմ մտածել դրա մասին եւ չեմ էլ ուզում միանգամից վիզուալ պատասխանել այդ հարցին, եւ ընդհանրապես, յուրաքանչյուր պաշտոնյա պետք է մտածի
իր աշխատանքային գործունեության ընթացքում ինչ-որ արժեք ստեղծելու ու լավ գործ թողնելու ժողովրդին։
– Օրինակ, բնապահպանության նախարարը մնայուն արժեք, ըստ Ձեզ, թողե՞լ է, եւ նա կարո՞ղ է համարվել մնայուն արժեք կառավարության կազմում։
– Բնապահպանական արժեքներ՝ այո։
– Օրինա՞կ։
– Օրինակ՝ իրեն հարցրեք։
– Վարչապետը մնում է դարձյալ վարչապե՞տ։
– Դա նախագահն է որոշելու։
– Դուք կցանկանայի՞ք, որ նա մնար որպես վարչապետ։
– Ինչու՝ ոչ, ինչու՝ ոչ…եթե նախագահը որոշի՝ անպայման։՝
Գոհար ՎԵԶԻՐՅԱՆ
«Չորրորդ ինքնիշխանություն»
