Բանից պարզվում է, այս տարվա բյուջեով նախատեսված է 221 միլիոն դրամ հատկացնել՝ կես միլիոն մեդալների եւ դրանց տուփերի գնման համար։
«ՉԻ» – Մենք, իհարկե, հասկանում ենք, որ այս իշխանությունների օրոք Հայաստանում ապրելը հերոսություն է, բայց չէինք կարծում, թե իշխանությունները կարող են մեդալներ բաժանել ՀՀ չափահաս բնակչության կեսին։ Դա, համաձայնվեք, անարդարություն է. պետք է բոլորին բաժանել։ Ընդ որում, ցանկալի է, որ մեդալի մի կողմում պատկերված լինի Սերժ Սարգսյանի արծվենի պրոֆիլր, վերեւում գրված լինի «Հանդուրժողականության համար», իսկ մյուս կողմում՝ Սաշիկ Սարգսյանի պրոֆիլը («Աստված է՛լ բեթարից ազատի» գրությամբ): Այդպիսով՝ մեդալը կխորհրդանշի ե՛ւ հայ ժողովրդի տոկունությունը, ե՛ւ քրիստոնեական արժեքները։
Իսկ եթե ավելի լուրջ, ապա ակնհայտ է, որ տվյալ դեպքում բացարձակապես որեւէ նշանակություն չունի, թե ում են բաժանվելու այդ կես միլիոն մեդալները։ Ամենայն հավանականությամբ՝ բարձրաստիճան պաշտոնյաներից մեկը պարզապես մեդալի արտադրամաս է բացել եւ իրացման խնդիր ունի, որն էլ հեշտությամբ լուծվել է որոշակի «ատկատի» դիմաց։ Այնպես որ՝ ինչ-որ իմաստով սա նույնպես կաշխուժացնի Հայաստանի տնտեսությունը։
Կարդացեք նաև
«Չորրորդ ինքնիշխանություն»
