Նամակը հայտնաբերվել էր ԱՄՆ-ի Կապիտոլիում ուղղված նամակները տեսակավորող հաստատությունում
ԱՄՆ-ի Կոնգրեսի պաշտոնյաների համաձայն, Միսիսիպի նահանգի հանրապետական սենատոր Ռոջեր Ուիքերին ուղղված նամակներից մեկում հայտնաբերվել են խիստ թունավոր նյութի՝ ռիցինի հետքեր:
Նամակը հայտնաբերվել էր ԱՄՆ-ի Կապիտոլիում ուղղված նամակները տեսակավորող հաստատությունում: Պաշտոնյաների համաձայն, երեք առանձին անցկացված փորձերի արդյունքներով որոշվել է, որ նամակը ռիցին է պարունակում:
Շատ քիչ էր հավանական, որ թունավոր նյութով աղտոտված նամակը երբևէ կհասներ Սենատոր Ուիքերսի գրասենյակ:
Սենատոր Ուիքերսի գրասենյակը դեռևս որևէ մեկնաբանություն չի ներկայացրել այս միջադեպի շուրջ: Սենատորն իր պաշտոնը զբաղեցնում է 2007 թվականից:
Խիստ թունավոր ռիցին սպիտակուցը ստանում են տզկանեփի (գերչակի) սերմերից: Ռիցինի նույնիսկ մեկ կաթիլը մահաբեր է մեծահասակ մարդու համար:
ԱՄՆ-ի Սենատում ռիցին էր նախկինում հայտնաբերվել 2004 թվականին, որից հետո իշխանությունները ստիպված էին եղել ժամանակավորապես փակել Սենատի գրասենյակների շենքերը:
Արմեն Հովհաննիսյան
«Ամերիկայի Ձայն»
