Նա վստահեցնում է, որ ՀՅԴ-ի հետեւից ժողովրդի մեծ հատված է գնալու
«Ղարաբաղ» կոմիտեի անդամ Աշոտ Մանուչարյանն ասել էր, որ այսօր մեր երկրում կա 3 խոշոր ուժ՝ ՀԱԿ, Րաֆֆի Հովհաննիսյան եւ «Սարդարապատ»: Ըստ նրա, ժողովուրդը գնում է այս երեք ուժերի հետեւից, իսկ երբ լրագրողները հարցրին՝ ինչո՞ւ ՀՅԴ-ին չնշեցիք, արդյոք ոչ ոք ՀՅԴ-ի հետեւից չի՞ գնում՝ նա ասաց. «Ես նշեցի այն 3 ուժերին, որոնց հետեւից ժողովուրդը մեծ կամ փոքր հատվածով գնում է»:
Այսօր ՀՅԴ Հայաստանի Գերագույն մարմնի փոխներկայացուցիչ Աղվան Վարդանյանն Aravot.am-ի հետ զրույցում պատասխանեց Աշոտ Մանուչարյանին: Նրա խոսքերով՝ «Ժողովրդի անունից խոսողները շատ- շատ են: Ամեն տեղ ժողովրդի անունից խոսողները շատ են: Ես ինձ երբեք թույլ չեմ տվել ժողովրդի անունից խոսել, որովհետեւ ժողովուրդը շատ բազմաշերտ է եւ բազմազան: Դաշնակցության հետեւից գնում է մեր ժողովրդի մի հատվածը, եւ ես վստահ եմ, որ առաջիկայում շատ ավելի մեծ հատված է գնալու, որովհետեւ Դաշնակցությունը, ի տարբերություն Աշոտ Մանուչարյանի պատկերացումների, ինքնուրույն, անկախ, սկզբունքային եւ հստակ քաղաքականություն իրականացնող քաղաքական ուժ է»:
Հռիփսիմե ՋԵԲԵՋՅԱՆ
Պարոն, երբ նախարար էիք, ու իշխանություն ինչքան հնարավոր է հաճոյախոսում էիք արտագաղթ կազմակերպող իշխանությանը, իսկ երբ խոսում էիք սոցիալական քարտերի ներդրման անհրաժեշտության մասին, հավաստիացնում էիք, որ այլևս ուրիշ փաստաթուղթ, տեղեկանք չի լինելու բացի անձնագրից, իսկ հիմա ինչ ունենք`՝ բոլոր բյուրոկրատական քաշքշուկներին ավելացավ ևս մեկը՝ սոցիալական քարտը: այնպես, որ մենք ամեն ինչ հիշում ենք և մեր կարծիքը այդ ամենի մասին ունենք: