Այսօր «Հայելի» ակումբում քաղաքագետ Մանվել Սարգսյանը անդրադառնալով ՀԱԿ-ի համագումարին, ասաց, որ պատահական չէ, որ իրենք հիմա են դա արել: «Փորձ կա ներկայացնել իշխանության դեմ կանգնած հիմնական ուժը, կարծես թե ընդդիմադիր տեղի կռիվ է գնում: ՀԱԿ-ը ամեն կերպ փորձում էր իր պոտենցիալը վերածել կուսակցության, ցույց տալու, թե իրենք են այն ուժը…»,- ասաց Սարգսյանը՝ շարունակելով, թե Լեւոն Տեր-Պետրոսյանը հստակ հայտարարեց, որ իրենք կուսակցություն են եւ իրենց համար քաղաքականությունը` դա ընտրություններն են, եւ դրա հետ կապված միջկուսակցական հարաբերությունները:
«ՀԱԿ-ը ամեն կերպ փորձում էր իրեն ներկայացնել իբրեւ փրկչի, ամենակարող ուժի»,-նշեց Սարգսյանը: Նրա խոսքով Հայաստանում առաջին անգամ հստակ ասվեց, որ կուսակցության ոլորտը` ընտրություններն են:
Քաղաքագետի խոսքով, Հայաստանում անընդհատ դրվել է ռեժիմ վերացնելու խնդիր, բայց չի վերացվել, որովհետեւ ամեն անգամ, ամեն մեկն այդ գործն իր վրա է վերցրել ու չի արել:
Եվա ՀԱԿՈԲՅԱՆ
