Այսօր «Հայելի» ակումբում քաղաքագետ Շուշան Խաթլամաջյանը անդրադառնալով ներքաղաքական կյանքին, ասաց, թե չարժե խոսել հանրահավաքի մասին, քանի որ դրանով չի կերտվում քաղաքականությունը:
«Րաֆֆի Հովհաննիսյանի ռեյտինգը բավականին ցածր է, վերջին հանրահավաքներից հետո, քանի որ նա չարդարացրեց ժողովրդի ընկալած սպասելիքները»,-նշեց տիկին Խաթլամաջյանը:
Ինչ վերաբերվում է ՀԱԿ-ին, ապա, ըստ նրա` «Մինչ ընտրությունները ՀԱԿ-ը հաշվարկել էր այդ բանը, նա մեծ ճգնաժամի մեջ որոշեց դաշտը զիջել ավելի թույլին:
Իսկ անցյալ ընտրություններին ՀԱԿ-ը որոշեց, որ շարժումը բավարար չէ, պետք է կուսակցություն ստեղծել, հետո հակառակն արեց, ու մենք տեսնում ենք, որ այս ուժը ճգնաժամի մեջ է: Ինձ թվում է ՀԱԿ-ի առաջնորդների համար պարզ է, որ ուզում են ձերբազատվել իրենց սխալներից եւ հիշողության մեջ պահել դրականը, հաջողությունները, որին հասել են»: Ինչ վերաբերվում է հաջողություններին` Խաթլամաջյանի խոսքով` ՀԱԿ-ը նաեւ ինտելեկտուալների մագնիս էր ու այդ մարդիկ հիասթափվում են:
Կարդացեք նաև
Իսկ թե ինչու չմիացան քաղաքական ուժերը Րաֆֆի Հովհաննիսյանին, տիկին Խաթլամաջյանը նշեց` «թույլին ոչ մեկը չի միանում, իսկ հաղթանակը միշտ տերեր ունի»:
Խաթլամաջյանը հավելեց`այն ինչ ձգձգվում էր, ապրիլի իննին ավարտվեց, քանի որ նույն բառերը ժողովուրդը անընդհատ չի կարող լսել. «Թեկնածուն ռազմավարություն չուներ, իսկ մարտավարությունը թույլ էր: Եթե քաղաքական ուժը ուղիղ մեսիջ չունի, բնական է, որ կմարի: Ոստիկանապետի ներկայությունն էլ այդ հանրահավաքին` երաշխավորում էր, որ ոչ մի բան տեղի չի ունենա եւ ես դրա մեջ տեսա նաեւ անձնական պատասխանատվության մեսիջ»:
Եվա ՀԱԿՈԲՅԱՆ
