Այն, որ Հայաստանում մարդու իրավունքների պաշտպանության հարցում շատ անելիքներ կան, ոչ մի կասկած։ Սակայն մինչ օրս ՄԻՊ գրասենյակը, թեեւ բազմաթիվ ջանքերին, այնուամենայնիվ, այս հարցում դեռ ցանկալի արդյունքի չի հասել։ Այս ոլորտում հեղափոխություն է խոստանում իրականացնել ՕԵԿ առաջնորդը: Բանն այն է, որ շուտով մեր երկրում ստեղծվելու է Մարդու իրավունքների պաշտպանության ազգային հանձնաժողով, որը նախագահելու է Արթուր Բաղդասարյանը։
ՀԱՐՑ. Ի՞նչ սպասելիք ունեք այս հանձնաժողովից, ի՞նչ եք կարծում՝ այն կկարողանա՞ փոխել իրավիճակը։
ՊԱՏԱՍԽԱՆ. Ինձ թվացել է, որ էականը բազմազանության մեջ չէ, այլ այդտեղ
աշխատող մարդկանց վերաբերմունքն է կարեւոր։ Կարելի է ստեղծել եւս 20 մարմին, բայց եթե նրանք իրենց գործում լինեն սահմանափակված եւ որպես անձ՝ իրենք էլ նվիրված չլինեն այդ գործին, դա անիմաստ կլինի։ Ինձ թվում է՝ սա հերթական այն մարմինն է, որ լրացուցիչ ինչ-որ գումար կորզելու համար են ստեղծել, որովհետեւ եթե եղածը շատ լավ աշխատեցնեին, ապա լավ կլիներ վիճակը։ Բայց դա այդպես չէ։ Ես՝ որպես փաստաբան, ներկայիս ՄԻՊ-ի աշխատանքը կգնահատեի շատ վատ։ Իսկ թե ինչ պետք է անել ոլորտում հաջողության հասնելու համար, ապա կասեմ՝ պաշտոնանկ անել գլխավոր դատախազին ու ՀՀ վճռաբեկ դատարանի նախագահին, եւ մենք այս ոլորտում կունենանք հաջողություն։
Կարդացեք նաև
ՏԻԳՐԱՆ ԱԹԱՆԵԱՅԱՆ
Փաստաբան
Քնար ՄԱՆՈՒԿՅԱՆ
«Ժողովուրդ»
