Դեղին համարանիշները սպիտակով փոխարինելու կառավարության որոշմանը դեմ հանդես եկող տաքսու վարորդների եւ ԲՀԿ ավագանու ցուցակի առաջին եւ երկրորդ տեղերը զբաղեցնող Վարդան Օսկանյանի եւ Գուրգեն Արսենյանի հետ այսօրվա հանդիպման ժամանակ տաքսու վարորդներից մեկը ավագանու թեկնածուներից հետաքրքրվեց, թե ո՞վ կարող է երաշխավորել, որ կառավարության այս որոշումը կարճ ժամանակ հետո նորից չի փոփոխվի:
Գուրգեն Արսենյանը արձագանքեց վերոնշյալ հարցադրմանը` ասելով.
«Մենք կողմ ենք 1000 օրվա սկզբունքին: Եթե որեւէ տուրք ընդունվել է հարկային մասով, ապա 1000 օրվա ընթացքում այն չպետք է փոփոխվի: Ամեն անգամ, երբ որ կառավարությունն արտահերթ ռեժիմով բերում է մի հարկային փաթեթ, ու սկսվում է ամբողջը խառնվել իրար: 365 օրանոց տնտեսություն չի լինում, որի պայմանները փոխվեցին, ու դու հիմա նոր պայմաններում պետք է աշխատես»:
Տաքսու վարորդներից մեկին էլ հետաքրքրում էր, թե արդյոք արժե մինչեւ կառավարության որշումն ուժի մեջ մտնելը փոխել սպիտակ համարանիշը դեղինով ու մտնել հարկային դաշտ:
Կարդացեք նաև
Վարդան Օսկանյանը տաքսու վարորդին խորհուրդ տվեց օրինականության սահմաններում աշխատել` ասելով. «Եթե զգում եք, որ այդ 17 հազարը մեկ տարվա մեջ կաշխատեք, ապա անպայման գնացեք եւ փոխեք»:
Աշոտ ԱԹԱՅԱՆ
