20-ամյա ճանաչված կլարնետիստ Նարեկ Հարությունյանը ընդամենը մի քանի տարի է մեծ Լամար Ռիզ Մագնեթ դպրոցի աշակերտներից, որոնց առջև ելույթ է ունեցել հինգշաբթի օրը: Գրում է «Ալբանի Հերալդ» պարբերականը:
«Ես միշտ զբաղվում եմ այս գործով ու հաճույք եմ ստանում, – ասել է Հարությունյանը, – այդպիսի պահերը շատ կարևոր են՝ երեխաներին ոգեշնչելու և ցույց տալու, թե ինչ հրաշալի է դասական երաժշտությունը»:
1992թ. Գյումրիում ծնված Հարությունյանը իր ընտանիքի հետ տեղափոխվել է Մոսկվա, երբ նա դեռ երեք տարեկան էր: Կլարնետով սկսել է զբաղվել 10 տարեկանից: Նա ավարտել է Մոսկվայի պետական կոնսերվատորիան, ապա տեղափոխվել Նյու Յորք:
Նա ելույթ է ունեցել այնպիսի հեղինակավոր սրահներում, ինչպիսիք են Վաշինգտոն Դի Սի-ի Քեննեդի համերգասրահը, «Կարնեգի հոլ»-ը, Լուվրի դահլիճը, Նյու Յորքի «Մերքին հոլ»-ը, Տորոնտոյի «Գլեն Գուլդ» ստուդիան, Գրենոբլի թանգարանում և այլ հանրաճանաչ վայրերում:
Կարդացեք նաև
Հարությունյանն ասում է, որ երեխաների հետ իր հանդիպումները երաժշտական շրջանակներից դուրս են:
«Ես ուզում եմ իրենց ցույց տալ ինչ-որ բան սիրելու և նրա մեջ խորանալու կարևորությունը», – ասում է նա:
Ալբանիի սիմֆոնիկ նվագախմբի ղեկավար Քլեյր Ֆոքս Հիլարդն ասում է, որ Նարեկի այցելությունը ուսուցողական նշանակություն ունի:
«Մեր նպատակն է երեխաներին սովորեցնել, որ դասական երաժշտությունը վախենալու չէ, – ասում է Հիլարդը, – Նարեկի պես մեկին իրենց առջև տեսնելն ու նրա կատարումն ուկնդրելը հազարավոր խոսքերից ավելին արժե»:
Պատրաստեց Հովհաննես ԻՇԽԱՆՅԱՆԸ
