Ռուսաստանի նախագահ Վլադիմիր Պուտինի խոսնակն ասել է, թե նման ցուցակի հրապարակումը «մեծ լարվածություն կառաջացնի երկկողմ հարաբերություններում»
Մոսկվան չի ցանկանում, որ Վաշինգտոնը հրապարակի մարդու իրավունքների խախտումներ թույլ տված Ռուսաստանի այն պաշտոնյաների ցուցակը, որոնք նկատմամբ նախատեսված է կիրառել պատժամիջոցներ:
Ռուսաստանի նախագահ Վլադիմիր Պուտինի խոսնակն ուրբաթ օրն ասել է, որ նման ցուցակի հրապարակումը «մեծ լարվածություն կառաջացնի երկկողմ հարաբերություններում»:
Ցուցակը, որը Միացյալ Նահանգների իշխանությունները պատրաստվում են հրապարակել ուրբաթ օրը, նախատեսված է «Մագնիտսկիի օրենքով»:
Կարդացեք նաև
«Մագնիտսկիի օրենքը» կրում է 37-ամյա ռուսաստանցի իրավաբան Սերգեյ Մագնիտսկիի անունը, որը բանտարկվել էր 2008 թվականին հարկերի վճարումից խուսափելու մեղադրանքով՝ պետության հարկային միջոցներից մոտ 250 միլիոն դոլար հափշտակած Ռուսաստանի մի շարք պաշտոնյաների գործողությունները բացահայտելուց հետ: Մագնիտսկին մահացել էր բանտում 2009 թվականին՝ բազմիցս ծեծի ենթարկվելու և բժշկական օգնություն չստանալուց հետևանքով:
Ցուցակում, որը նախատեսում են հրապարակել Միացյալ Նահանգների իշխանությունները, ընդգրկված են Ռուսաստանի ոչ միայն այն պաշտոնյաները, որոնք ներգրավված են Մագնիտսկիի գործի մեջ, այլև այն պաշտոնյաները, որոնք բռնություններ են գործել Ռուսաստանում քաղաքական իրավունքների համար պայքարողների նկատմամբ:
Արմեն Հովհաննիսյան
«Ամերիկայի Ձայն»
