ՀՅԴ-ից ավագանու թեկնածու Բորիս Հայրապետյանն այսօր «Մեդիա կենտրոնում» ավագանու անելիքների թեմայով կազմակերպված քննարկմանը նշեց, որ իրենց կարծիքով՝ Երեւան քաղաքի ներկայիս կառուցապատումը չի համապատասխանում ողջ աշխարհում ընդունված ռացիոնալ սկզբունքներին. « Երեւանում պետք է լինեն շատ կանաչապատ գոտիներ, բայց մեզ մոտ առ այսօր կենտրոնում բազմաբնակարան շենքերի առկայություն կա, կառուցապատումը անօրինական է»:
Հայրապետյանի խոսքով՝ Օպերայի շրջակայքում գտնվող կուսակցականներին պատկանող օբյեկտների հարցը չպետք է քաղաքականացնել, փոխարենը` «պետք է հետեւել, թե ով է նրանց այդ իրավունքը տվել»:
«Այսուհետ պետք է ընդհանուր ուժերով պայքարել ինքնակամ, ապօրինի շինարարության դեմ եւ բեռնաթափել քաղաքը այդ վատ կառույցներից»,-համոզված է Հայրապետյանը:
Եվա ՀԱԿՈԲՅԱՆ
