Ավագանու թեկնածու, «Բարեւ Երեւան» դաշինքի ներկայացուցիչ Գարեգին Հակոբյանն այսօր «Մեդիա կենտրոնում» անդրադառնալով քաղաքի խնդիրներին, ասաց. «Երեւանն ունի գլխավոր հատակագիծ, իսկ դրանից շեղվելը օրենքի խախտում է, շատ եմ ափսոսում, բայց այդ շեղումներն այսօր շատ են»: Հակոբյանի խոսքով` այսօր ամենից շատ մտահոգիչ է պատմամշակութային օբյեկտների հարցը, որոնցից է` փակ շուկայի խնդիրը: «Երբ հանրությանը ինչ- որ հարց է հուզում քաղաքաշինության հետ կապված, ավագանին լռում է»,- ասում է Հակոբյանը՝ հավելելով, որ ապօրինությունները մեր քաղաքում տարիներ շարունակ չեն դադարեցվում:
«Պետք է ջարդել այն ճարտարապետի ձեռքը, ով ստորագրում է անօրինական, անհամապատասխան շինարարական ակտի տակ»,- այս կարծիքին է «Բարեւ Երեւանի» ներկայացուցիչը:
«Ավագանու աշխատանքին այս պահին միայն կարող ենք բացասական գնահատական տալ, արձանագրությունները կարդում ենք, տեսնում, որ ԲՀԿ-ն եւ ՀՀԿ-ն քվեարկում են միայն կողմ»,- վստահեցրեց Գարեգին Հակոբյանը:
Եվա Հակոբյան
Կարդացեք նաև
