Այսօր «Մեդիա կենտրոնում» ավագանու ընտրություններին ընդառաջ հրավիրված քննարկման ժամանակ «Առաքելություն» կուսակցությունից Մեսրոպ Առաքելյանը ասաց, թե «Այսօր առկա քաղաքաշինական խնդիրները կարելի է բաժանել մի քանի մասի, դրանցից մեկը փոքր կենտրոնի անկանոն կառուցապատումն է: Օրինակ Հյուսիսային պողոտայի նախագիծը բոլորի համար ընդունելի էր: Փոքր կենտրոնը վերածվել է շինարարական բիզնես կենտրոնի»:
Առաքելյանիխոսքով` այնպես է ստացվել, որ Երեւանի փոքր կենտրոնի ամենահին շինությունը Մաշտոցի պողոտայի մուսուլմանական մզկիթն է մնացել, բացի այդ`«Հիմնականում կցակառույցները արվում են ոչ թե ապրելու տեղ ապահովելու, այլ զուտ շքեղության համար, ուրեմն, եթե հնարավոր չէ քանդել, պետք է շքեղության հարկով սահմանափակել դրանց կառուցումը»:
Եվա ՀԱԿՈԲՅԱՆ
