Ոչ մի քաղաքական խնդիր չունեն Հայաստանի հետ, նշում է Չեխիայի ԱԳ նախարարը:
ԱԳ նախարարի պաշտոնակատար Էդվարդ Նալբանդյանի հրավերով ապրիլի 10-12-ը պաշտոնական այցով Հայաստան է ժամանել Չեխիայի առաջին փոխվարչապետ, արտաքին գործերի նախարար Կարել Շվարցենբերգը:
Այսօր ՀՀ ԱԳՆ-ում Էդվարդ Նալբանդյանի եւ Կարել Շվարցենբերգի հանդիպումից հետո կայացած համատեղ մամուլի ասուլիսում ՀՀ ԱԳ նախարարը նշեց, որ հինգ տարիների ընթացքում օգտագործել են տարբեր հնարավորություններ` տասից ավելի հանդիպումներ են ունեցել: Նա նշեց, որ գործարարների պատվիրակություն է ուղեկցում Շվարցենբերգին: Էդվարդ Նալբանդյանը նշեց, որ կողմերը քննարկել են տնտեսական, առեւտրային կապերը ընդլայնելու համար: Լավ առիթ էր քննարկելու տարածաշրջանային, միջազգային հարցեր, ԼՂ հակամարտության կարգավորման գործընթացի եւ այլ հարցերի վերաբերյալ նշեց Նալբանդյանը:
Կարել Շվարցենբերգը իր ելույթում կարեւորեց Հայաստան կատարած այցի արդյունքները, նշեց, որ ոչ մի քաղաքական խնդիր չունեն Հայաստանի հետ: «Լավ պահ է տնտեսական զարգացման հարցեր, քանի որ երկու երկրները այս ուղղությամբ պետք է աշխատեն»: Հայաստանը ոչ միայն աշխարհագրական գեղեցիկ երկիր է, այլեւ Հայաստանը տարածաշրջանում զարգացման պոտենցիալ ունի, նշեց Շվարցենբերգը:
Կարդացեք նաև
Չեխայի պառլամենտի կողմից Խոջալուի վերաբերյալ ընդունված որոշմանն անդրիադառնալով Նալբանդյանը նշեց, որ ավելի ճիշտ կլինի, եթե դրան անդրադառնա Կարել Շվարցենբերգը: Վերջինս էլ նշեց, որ դա ոչ թե խորհրդարանի կողմից էր ընդունվել, այլ արտաքին հարաբերությունների հանձնաժողովի կողմից եւ հավելեց, որ Չեխիան դեմ է մարդու իրավունքների խախտումներին եւ պատերազմական գործողություններին:
Է.Նալբանդյանն անդրադանալով Ադրբեջանի ԱԳ նախարարի հետ ապագայում նախապատրաստվող հանդիպմանը, նշեց, որ կարգավորման գործընթացում այն, որ չկա առաջընթաց ոչ Ղարաբաղը, ոչ Հայաստանն է մեղավոր: Նա նշեց, որ մոտակա շաբաթների ընթացքում ադրբեջանական կողմի հետ հանդիպման հնարավորություն այնուամենայնիվ կստեղծվի, իսկ հայկական կողմը մշտապես կողմնակից է եղել բանակցային գործընթացի շարունակմանը:
Էմմա ԳԱԲՐԻԵԼՅԱՆ
