«Ժառանգություն» կուսակցության փոխնախագահ Արմեն Մարտիրոսյանի նկատմամբ, ով գլխավորում է «Բարեւ Երեւան» դաշինքի ցուցակը, մեղադրանք է առաջադրվել Վարչական օրենսգրքի 182-րդ հոդվածով (ոստիկանի օրինական հրամաններին չենթարկվելը): Այս մասին NEWS.am-ին հայտնեց ինքը՝ Արմեն Մարտիրոսյանը:
«Ես ինձ բացարձակապես մեղավոր չեմ ճանաչում եւ մտադիր չեմ վարչական տուգանք վճարել: Ես այդ պահին օգտվել եմ իմ սահմանադրական իրավունքից, բացի այդ, Հայաստանը ստորագրել է կոնվենցիան, ըստ որի ես իրավունք ունեմ խաղաղ կերպով արտահայտել իմ բողոքը եւ ոստիկանների կողմից իմ հանդեպ սադիստական վերաբերմունքը համարժեք չէր»,-նշեց Մարտիրոսյանը:
Նրա խոսքով՝ ինքը փաստաբանի միջոցով դիմել է իրավապահ մարմիններին՝ հայտնելով հանցագործության մասին. «Մենք հետեւողական ենք լինելու այդ հարցում»:
«Ժառանգության» փոխնախագահը նաեւ նշեց, որ օրվա ընթացքում չի հասցրել այցելել ոստիկանություն, որպեսզի բացատրություն տա մի շարք միջադեպերի, մասնավորապես, ապրիլի 9-ի ցերեկը եւ երեկոյան Բաղրամյան պողոտայում ցուցարարների եւ ոստիկանների բախումների առնչությամբ:
Հիշեցնենք, որ ապրիլի 9-ի երեկոյան Բաղրամյան պողոտայում ոստիկանները ծեծի են ենթարկել Արմեն Մարտիրոսյանի, ապա բերման ենթարկել ոստիկանություն: Նրա դեմքն ու հագուստներն արյունոտ էին:
Հայաստանի ոստիկաններին պետք է պարգևատրել Շոտլանդական ազգային համազգեստով, և
կանացի ներքնաշորերով, իրենց բացառիկ արիության համար,՝ Արմեն Մարտիրոսյանին ծեծի
ենթարկելու ազգանվեր գործում:
Ոստիկաններն արդեն տիրապետում են ՛՛ուրույն ձեռագրի՛՛ բարձրագույն վայելչագրությունը, տեսեք, թե ինչպիսի չարությամբ և թշնամանքով են ՛՛մեկուսացնում՛՛ բախում հրահրող սադրիչներին սաստող երիտասարդին:
https://civilnet.am/2013/04/10/%D5%BD%D5%A1%D5%A4%D6%80%D5%AB%D5%B9%D5%B6%D5%A5%D6%80%D5%AB%D5%B6-%D5%AD%D5%A1%D5%B6%D5%A3%D5%A1%D6%80%D5%A5%D5%AC%D5%B6-%D5%A1%D6%80%D5%A3%D5%A5%D5%AC%D5%BE%D5%A1%D5%AE-%D5%A7/
Հարգելի ՛՛Առավոտ՛՛, հնարավո՞ր չէ արդյոք պարզել երիտասարդի անուն ազգանունը, անձամբ կուզենամ ծանոթ լինել իր հետ, և իր ձեռքը սեղմելը ինձ համար մեծ պատիվ կլինի:
Մաքսիմ ջան, ուրախ եմ տեսնել մեկնաբանությունդ, կառաջարկեմ այցելել facebook՝ բարեկամություն հաստատելու:
Հարգելի Մարգար, մեր թղթակիցը հիմա փորձում է պարզել այդ տեսանյութում արձանագրվածի հանգամանքները: Սադրիչների գործողությունները կանխել փորձողի անունն արդեն գիտենք: Մնացածը՝ հաջորդիվ: