Կիեւի «Դինամոյի» նախկին հարձակվող Սերգեյ Ռեբրովը խոսել է Հենրիխ Մխիթարյանի խաղի բարձր արդյունավետության գաղտնիքների իր ընկալումների մասին:
«Հենրիխ Մխիթարյանի խփած գոլերի քանակը վկայում է նրա բարձր վարպետությունը, ինչը զարմանալի չէ «Շախտյորի» նման թիմում: Սակայն շատ մեծ նշանակություն ունի այն, թե ինչպես է Հենրիխը ներդաշնակվում Միրչա Լուչեսկուի թիմի սխեմայում: Որքան ես եմ հասկանում, Մխիթարյանի հաղթաթղթերն են նրա նպատակաուղղվածությունը մրցակցի դարպասին եւ դաշտում զբաղեցրած դիրքը: Երբ նա տուգանային հրապարակ սլանում է խորքից, ամեն պաշտպան չէ, որ կարող է հասնել նրան եւ «օդը փակել»: Առավել եւս, որ Հենրիխը իսկական հարձակվողին բնորոշ որակներ՝ գոլի զգացողություն, արագություն եւ հարված ունի: Կշարունակի՞ Մխիթարյանը նույն ոգով: Տեսնելով, թե ինչպես է աշխատում եւ վերաբերվում խաղին, համոզված եմ, որ նա դեռ առաջ կգնա: Ես հաջողություն եմ մաղթում Մխիթարյանին: Որքան էլ նա գոլ խփի այս մրցաշրջանում, դրանք բոլորն էլ վաստակած կլինեն», – Ռեբրովին մեջբերում է КОМАНДА-ն:
Աշոտ ՀԱԿՈԲՅԱՆ
