Արսեն Խառատյանը կարծում է, որ Սերժ Սարգսյանի երդմնակալությունը հարամելու խնդիր էր դրված
Երեկ՝ ապրիլի 9-ի Բաղրամյանի իրադարձությունների թեժ կետերում պայքարած կոնֆլիկտոլոգ, ակտիվիստ Արսեն Խառատյանն այսօր «Մեդիա կենտրոնում» այսպիսի կարծիք հայտնեց. «Պրովոկատորներ կային, երբ Բաղրամյանի վրա էինք: Այն մարդիկ էին, ովքեր ուզում էին գնալ բախման՝ ամեն գնով: Ես կարծում եմ, որ հիմա սրան չեմ կենտրոնանալու, որովհետեւ դեռ ամբողջապես չեմ մտածել, բայց կարծում եմ, որ երեկ բախում պետք էր միայն Ռոբերտ Քոչարյանին: Էս երկրում բախում պետք էր միայն Ռոբերտ Քոչարյանին»:
Հարցին՝ իր կողմնակիցներից մա՞րդ եք տեսել՝ Արսեն Խառատյանը պատասխանեց. «Չգիտեմ: Այն իրավիճակում, ինչ մենք երեկ կայինք, իմանալով, որ մարդկանց կարող են ցրել մինչեւ ժամը 12-ը, 1-ը պահելով, հետո այսօր առավոտյան… իմ համոզմունքն այն է, որ ամենաշատը Սերժ Սարգսյանի ինաուգուրացիան հարամելու խնդիր էր դրված, թուլացնելու խնդիր էր դրված: Ես կարծում եմ, որ եթե վերջնական նպատակին չէր հասցվելու երեկվա շարժման միջոցով, ապա այդ թուլացման միակ շահառուն Ռոբերտ Քոչարյանն էր»:
Հռիփսիմե ՋԵԲԵՋՅԱՆ
Կարդացեք նաև
