Այսօր լրագրողները «Մեդիա կենտրոնում» Անդրիաս Ղուկասյանից հետաքրքրվեցին՝ այն, որ Դուք ասում եք՝ շնորհակալություն Րաֆֆիին այն 50 օրերի համար, հիմա պետք է շարժվել առաջ, կարծես թե ցտեսությո՞ւն եք ասում Րաֆֆի Հովհաննիսյանին, որ արել է իր գործը, չկարողացավ դառնալ լիդեր: Անդրիաս Ղուկասյանը պատասխանեց. «Ես իհարկե հասկանում եմ, որ Րաֆֆի Հովհաննիսյանը այդ ընդդիմադիր պրոցեսի անբաժան մասն է, բայց ամբողջ պատասխանատվությունն արդեն իր վրա չի: Այսօրվանից արդեն հակակրիմինալ հեղափոխությունը բոլոր քաղաքացիների գործն է, ոչ միայն Րաֆֆի Հովհաննիսյանի: Արդեն չեն վիճարկվում ընտրության արդյունքները: Արդեն կա անօրինական իշխանությունների հրաժարականի պահանջ»:
Կոնֆլիկտոլոգ Արսեն Խառատյանն էլ նշեց, որ երեկվանից հետո հաստատ հիասթափություններ կլինեն, հատկապես այն մարդկանց մոտ, որոնք Գյումրիից ոտքով վեր էին կացել եւ հասել էին Երեւան. «Բայց իմ կարծիքով երեկ շատ ավելի կարեւոր էր կանխել բախումը, քան գնալ բախման»:
Հռիփսիմե ՋԵԲԵՋՅԱՆ
Կարծում եմ, ավելի ստույգ`համոզված եմ`Անդրիասն ասում է, թե սա ոչ թե պարտություն է և ժողովրդի հեղափոխության վերջը, այլ սա միայն դրա սկիզբն է և այն անպայման շարունակություն է ունենալու և դա լինելու է ոչ այնքան ուշ: Ես այդ ամենում ուղղակի համոզված եմ:
Հարգելի լրագրողուհի, նման վերնագրերով հոդվածները ստեղծում են ժողովրդի առաջնորդներին իրար դեմ լարելու ,պառակտելու , փողոցային մակարդակի բամբասանքներ սկսելու ցածր մի մթնոլորտ : Ախր լրագրողը չպետք է բամբասանքներ հրահրող լինի : Դուք չեք պատկերացնում ձեր աշխատանքի կարևորությունը : Լրագրողական ցենզուրան շատ գրագետ, հատ հատ ընտրված պետք է լինի, ծայր աստիճան պատասխանատվություն պետք է լինի ամեն մի բառի համար,հիմնված բացառապես փաստերի վրա : Եվ ամենակարևորը ` ճիշտ ուղղություն տվող, դեպի զարգացում տանող: Թե չէ ման եք գալիս մեկը մի չմտածված խոսք ասի, դնեք ու հայաթի պառավների զրույց բացեք: Օրինակ ձեր դրած վերնագրից զզվանքս եկավ: Ընդամենը ցինիկ վերնագիր: Ցտեսություն է ասում ??? , հա, որ ինչ ?: