Կենտրոն եւ Նորք-Մարաշ վարչական շրջանների ընդհանուր իրավասության դատարանում, Մնացական Մարտիրոսյանի նախագահությամբ, այսօր պիտի շարունակվեր Խաչատուր Բախբուդարյանի եւ Արտակ Բարսեղյանի նկատմամբ հարուցված քրեական գործով դատական հերթական նիստը:
Ոստիկանության օպերլիազորները մեղադրվում են պաշտոնական կեղծիքի եւ բռնությամբ զուգորդված գործողություններ կատարելու համար:
Դատարան էին ներկայացել երկու վկա եւ տուժողը:
Սակայն ամբաստանյալ Արտակ Բասեղյանը ցանկություն հայտնեց, որ իր պաշտպանությունն իրականացնի ՀՀ փաստաբանների պալատի անդամ Լիպարիտ Սիմոնյանը: Քանի որ նրանք ունեին պաշտպան՝ Արայիկ Ալվանդյանը, մեղադրող Ջոն Ֆարխոյանն առարկեց, իսկ դատարանն էլ մերժեց այդ միջնորդությունը, եւ չհետաձգեց դատական նիստը:
Կարդացեք նաև
Ամբաստանյալը դիմեց այլ քայլի. նա հրաժարվեց իր նախկին պաշտպանից, ու ստացվեց, որ նա չուներ պաշտպան:
Դատարանը տվեց ժամանակ՝ պաշտպան ունենալու համար:
Դատական հաջորդ նիստը նշանակեց ապրիլի 18-ին:
Ռուզան ՄԻՆԱՍՅԱՆ
