Գործը քննվում է Վարչական դատարանում:
Պետական եկամուտների կոմիտեի Սեւանի տարածքային հարկային տեսչությունը դատական հայց է ներկայացրել Գեղարքունիքի մարզի Գագարինավան գյուղում գրանցված «Հիդրոշինարար-5» ԲԲԸ-ի դեմ: Հայցով հարկային տեսչությունը պահանջում է ընկերությունից հօգուտ պետբյուջեի բռնագանձել 99 միլիոն 468 հազար 879 դրամ: ՀՀ վարչական դատարանի Սեւանի նստավայրի դատավոր Հովհաննես Թորոսյանը բավարարել է հայցի ապահովման վերաբերյալ հայցվորի միջնորդությունը եւ ընկերության գույքի ու դրամական միջոցների վրա արգելանք է դրել: 2012թ. հուլիսի 9-ին «Հիդրոշինարար-5» ԲԲԸ-ն հակընդդեմ պահանջ է ներկայացրել հարկային տեսչության թիվ 1001884 ակտն անվավեր ճանաչելու պահանջով: Դատարանի 2013թ. մարտի 13-ի որոշմամբ ընկերության հակընդդեմ հայցն ընդունվել է վարույթ: Այս գործով դատավարությունը սկսվել է 2013թ. մարտի 14-ին , հերթական նիստը նշանակված է վաղը՝ ապրիլի 10-ին:
Հավելենք, որ Հայաստանի Ազգային գրադարանի կապիտալ վերանորոգման համար 2008թ. պետբյուջեից հատկացվել էր 700 միլիոն դրամ: Աշխատանքն իրականացրել է այն ժամանակ քաղաքաշինության նախարարության հայտարարած մրցույթի հաղթող ճանաչված «Հիդրոշինարար 5» ընկերությունը: Գրադարանի շենքի նորոգումը կատարվել էր քաղաքաշինական նորմերի խախտումներով:
Կարդացեք նաև
Ոսկան ՍԱՐԳՍՅԱՆ
