1988թ. Մեծ Բրիտանիայի վարչապետ Մարգարետ Թետչերը ըմբռնումով էր մոտեցել Հայաստանում տեղի ունեցած երկրաշարժի պատճառով ԽՍՀՄ ղեկավար Միխայիլ Գորբաչովի Մեծ Բրիտանիա այցի հետաձգման որոշմանը:
Գորբաչովը այցն ընդհատել էր Նյու Յորքում, ինչից հետո պետք է մեկներ Մեծ Բրիտանիա, սակայն ընդհատել էր ԱՄՆ-ի իր այցելությունը ու վերադարձել Խորհրդային Միություն: Դեկտեմբերի 8-ին Թետչերը զանգահարել էր «Բի Բի Սի» ռադիոկայան և դեպքի հետ կապված իր կարծիքն էր հայտնել: Թետչերի մահվան կապակցությամբ «Բի Բի Սի»-ն վերահեռարձակել է հաղորդումը:
«Ես լուրը լսել եմ ձեր հեռարձակումով: Իհարկե, մենք հասկանում ենք», – ասել էր Թետչերը, – «Նման ողբերգության պարագայում պարոն Գորբաչովը պետք է տուն վերադառնա, այլ բան անելն աներևակայելի է: Հետո ես լսեցի, որ դուք չգիտեք, որ ես լսել եմ լուրը, այնպես, որ ես մտածեցի, լավ կլինի ձեզ տեղյակ պահել, որ լսել եմ»:
Լրագրողի հարցին, թե արդյոք նա արդեն կապ է հաստատել խորհրդային իշխանությունների հետ, Երկաթյա տիկինը պատասխանել էր.
Կարդացեք նաև
«Դեռ ոչ, ավելի ուշ կգնանք դեսպանատուն՝ ասելու, որ լիովին հասկանում ենք իրենց և կառաջարկենք, որ որքան հնարավոր է շուտ գան, որովհետև բոլորս սպասում ենք դրան, բայց երբ նման աղետ է տեղի ունեցել, պետք է տանը լինել, մարդիկ դա են ակնկալում»:
Մարգարետ Թետչերը մահացել է ապրիլի 8-ին, 87 տարեկան հասակում:
Պատրաստեց Հովհաննես ԻՇԽԱՆՅԱՆԸ
