Ազատության հրապարակում հավաքվածներն այնքան մեծ թիվ էին կազմում, որ նույնիսկ տեղավորվել էին հարակից սրճարանների տարածքներում, որոնց տերերը, այդ փաստից կարծես թե դժգոհ չէին:
Մեզ հետ զրույցում սրճարաններից մեկի մենեջերն ասաց, որ մարդիկ իրենց համար խնդիրներ չեն առաջացնում`«իրենց համար հանգիստ կանգնել են, մեզ չեն խանգարում, կարեւորը`կռիվ-մռիվ չանեն»:
Իսկ սրճարանների տարածքներում տեղավորվածներն ասացին, որ իրենք ոչ մի կերպ չէին կարող բաց թողնել այս հանրահավաքը ու քանի որ ավելի մոտ չէին կարող կանգնել, դրան գումարած՝ անձրեւից պետք է պատսպարվել, ստիպված ներխուժել են սրճարանի տարածք, որտեղ, ի դեպ, թեժ քննարկվում էին Րաֆֆի Հովհաննիսյանի եւ Սերժ Սարգսյանի հետագա քայլերը:
Եվա ՀԱԿՈԲՅԱՆ
