Նա Աստծուց իմաստնություն խնդրեց Վեհափառի եւ Սերժ Սարգսյանի համար
«Աստված մեզ բոլորիս ժամադրել է իր տուն»,- Ազատության հրապարակում հայտարարեց Րաֆֆի Հովհաննիսյանը: Նա հորդորեց զինվորներին. «Հանկարծ չգա՛ք հրապարակ այսօր, կանգնեք սահմանի վրա: Այլեւս երբեք հայոց երկնակամարում չի լինելու մեր երեխայի կորուստը: Մենք բոլորս ազատագրման ենթակա ենք ոչ միայն Աստծո շնորհով, այլ նաեւ մեր քաղաքացիական կամքով: Այո՛, Վեհափառ, ես եմ ասում, Աստված թող իջեցնի իմաստնությունը ձեզ վրա, Վեհափառ եւ Ձեզ վրա, պարոն Սարգսյան: Ով եք Վեհափառ, հայր սուրբ, քահանաներ, նախարարներ, ընդդիմախոսներ, այսօր Աստված Ազատության հրապարակում բացում է տիեզերքը եւ ցույց է տալիս արշալույսը, որ վաղը գալու է»:
Նա դիմեց ժողովրդին, որ ով ուզում է տուն գնալ՝ թող տուն գնա, ով ուզում է սերիալ նայել՝ թող նայի, իսկ ով մնում է, թող մնա. «Վաղը առավոտ կա՞ք արշալույսին, թե՞ չկաք: Գարուն է: Գարունը նշանակում է, որ բոլորս պիտի լինենք իրավատեր, պիտի պատրաստ լինենք խաղաղության: Եթե իրենք ուզում են պատերազմ, ես չեմ ուզում: Ով չհասցրեց առավոտ շուտ բացել կայքերը, ճիշտ եք անում: Ես պահանջում եմ այսօր՝ հիմա, Սերժ Սարգսյան, իմ հարգելի զորավար Վլադիմիր Գասպարյան, Սեյրան Օհանյան, դատախազ խարդախ, կա՛մ դուք տվեք ձեր հրաժարականը կամ եկեք ինձ ձերբակալեք հիմա: Ձերբակալեք, տղե՛րք, եկե՛ք»:
Կարդացեք նաև
Հռիփսիմե ՋԵԲԵՋՅԱՆ
