«Ոչ կեղծ Վեհափառին: Հայրենակիցներ, մենք այսօր կեղծ երդում չենք տալու: Մենք տալու ենք միասին Հայաստանի, մեր օրենքի, մեր իրավունքի, մեր Նժդեհի, մեր իրավունքի եւ մեր երեխաների երդումը: Ու հիմա համալիրում Աստվածամոր տաճարի վրա, Աստվածաշնչի վրա երդում են տալու, թող մտածեն հիմա՝ Աստված մեզ պահապան: Բայց հայ ժողովուրդը հաղթել է: Կեցցե հայ ժողովուրդը»,- Ազատութան հրապարակում քիչ առաջ հայտարարեց Րաֆֆի Հովհաննիսյանը:
Նա ընդգծեց, որ միլիոններ են ծախսել համալիրի դահլիճում մեր փողերից. «Խորեոգրաֆիա, չգիտեմ…այսօր այստեղ ամեն ինչ բնական է»:
Ժողովուրդը վանկարկում է «Հիմա», «հակասերժականություն, օրինականություն»: Րաֆֆի Հովհաննիսյանը հորդորեց վանկարկել «միացում»: Նա ամոթանք տվեց մարդկանց քանակով հաշվողներին եւ ասաց. «Հաշվեք՝ 3000 է՞, թե՞ 300 հազար»:
Րաֆֆի Հովհաննիսյանը դիմելով Սերժ Սարգսյանին՝ ասաց. «Իմ նվաստիս, համեստիս թույլ տվեք Սարգսյան Սերժ Ազատի, Աստված կոչել: Աստված իր լույսերը իջեցնում է այսօր Ազատության հրապարակի վրա, մեր եղբայրների,մեր քույրերի վրա, որ մենք լինենք արժանապատիվ հավատացյալ»:
Կարդացեք նաև
Հռիփսիմե ՋԵԲԵՋՅԱՆ
