Զարմացած հայացքներն այսօր էլ ժպիտ պարգևեցին 🙂 Օրվա հարցը մերթ ուրախանալու, մերթ տխրելու առիթ տվեց շատերին: «Ու՞ր է նա». երիտասարդների խենթ մտքերին ծանոթացել է «Առավոտ երիտասարդականը»:
«Որ ինձ ասեր՝ ո՞ւր է գնալու, հիմա կասեի, թե ուր է նա», -ժպտում է 17-ամյա Մարինեն:
Ի պատասխան հարցի 22-ամյա Զառան մեջբերեց հայտնի մուլտֆիլմի խոսքերից. «Օн улетел ,но обещал вернуться»:
20-ամյա Սեդան էլ համոզված է. «Ուր էլ լինի, վերջում հետ ա գալու»:
«Նա, ով եկել է, կյանքս բեկել է, բախտս թեքել է ինքն իր բախտին…», – հայտնի երգով փորձեց «պատասխանել» հարցին 19-ամյա Աստղիկը:
«Այն ճանապարհի կեսին, որը դժվար թե իրեն երջանկություն բերի», – ասաց 20-ամյա Գրետան:
«Ո՞վ, Սերոժ պապի՞ն, -հարցիս հետևեց 18-ամյա Հրանտի հարցը, – շատ բարդ հարց ա, ես չգիտեմ» 🙂
Տիգրանուհի Թասլակյան
