Վերլուծաբան Անդրանիկ Միհրանյանի գնահատմամբ, եթե ղարաբաղյան կոնֆլիկտի կարգավորման հարցում առաջընթաց չլինի , թուրքական կողմը երբեք չի վերահաստատի դիվանագիտական, տնտեսական հարաբերությունները Հայաստանի հետ, ու չեն բացվի հայ-թուրքական սահմանները: Վերլուծաբանը ղարաբաղյան կոնֆլիկտի միակ լուծումը տեսնում է, եթե կոնֆլիկտի կարգավորման հարցում գերտերությունները համաձայնության գան եւ ստիպեն ընդունել մադրիդյան սկզբունքները:
Հարցին, դրսից ճնշումները պատերազմի չե՞ն հանգեցնի, պարոն Միհրանյանը «Նովոստի Արմենիա» ակումբում ասաց. «Նայած թե ինչպիսին է ճնշումը…եթե այս տարածքում կա խաղաղություն, հիմնական պատճառն այն է, որ գերտերությունները շահագրգռված չեն, որ այստեղ լինի պատերազմ: Ոչ մեկի շահերին դա չի համապատասխանում… Լուծում կարող է չլինել, բայց մեծ տերությունները, որոնք շահագրգռված չեն, որ պատերազմ լինի, հետ են պահում այդպիսի զարգացումներից` հարցը թողնելով հաջորդ սերունդներին»:
Արփինե ՍԻՄՈՆՅԱՆ
