Նա վստահեցրեց, որ միջազգային հանրությանը պետք է հակառակը ապացուցեն:
Այսօր Ազատության հրապարակում ՀԱԿ խմբակցության պատգամավոր Նիկոլ Փաշինյանն անդրադարձավ Սերժ Սարգսյանին ուղղված գերտերությունների շնորհավորանքներին. «Նրանք արձանագրել են, որ Սերժ Սարգսյանը մնացել է ՀՀ նախագահ՝ հիմվելով ԿԸՀ-ի արդյունքների հիման վրա: Որեւէ պետություն չի կարող կանխավարկածով առաջնորդվել, որ պետք է կասկածի տվյալ երկրի ԿԸՀ-ին, եթե այդպես կասկածով վերաբերվի, միջազգային հանրությունում խառնաշփոթ կստեղծվի»:
Նա հարցրեց՝ մի՞թե ուրեմն հնարավոր չէ չեզոքացնել այդ իրողությունը եւ տվեց իր պատասխանը. «Հնարավոր է, եւ ՀՀ ԿԸՀ-ի տխրահռչակ արաձանագրության սահմանած իրողությունն անհրաժեշտ է չեզոքացնել քաղաքական, քաղաքացիական հետեւողական քայլերի միջոցով: ՀՀ-ում հաստատված ուժերի հարաբերակցության մասին պատկերացումը ապրիլի 9-ի հանրահավաքն է: Եկեք թեկուզ տեսականորեն ձեւակերպենք, թե ինչ կարող է տալ այդ օրը: Սերժ Սարգսյանը Մարզահամերգային համալիրում դիվանագիտական նեղ շրջապատում երդում է տալիս, իսկ Րաֆֆի Հովհանննիսյանի 100 հազարավոր բանակը, լինելով Երեւանի փողոցներում, հրապարակում, ապացուցում է, որ իրենք չեն ընտրել եւ չեն ճանաչում Սերժ Սարգսյան նախագահին»:
Կարդացեք նաև
Նա նշեց, որ երբեք իր համար նշանակություն չի ունեցել, թե քանի մարդ կգա հանրահավաքին, բայց ապրիլի 9-ը ուրիշ է: Այդ օրը լինելու է երրրորդ հանրապետության պատմության մեջ աննախադեպ, մի կենդանի արձանագրություն, որը կդառնա այնպիսի ծանրակշռ իրողություն, որի հետ չի կարող հաշվի չնստել միջազգային հանրությունը եւ ՀՀ ՏԻՄ մարմինները:
Նա նույնիսկ թիվ դրեց ժողովրդի վրա՝ 1 մլն. «Դա պիտի լինի ոչ թե հանրահավաք, այլ պիտի լինի քաղաքացիական օվկիանոս: Կհաջողվի՞ դա անել՝ կփոխվի իրողություն»:
Նիկոլ Փաշինյանը վստահեցրեց, որ գալու է ապրիլի 9-ին Ազատության հրապարակ ընտանիքով եւ երեխաներով. «Մենք ընտանիքով գալու ենք տոնելու մեր քաղաքացիության հաղթանակը, փետրվարի 18-ին Րաֆֆի Հովհաննիսյանի տարած լուսավոր հաղթանակը եւ ապացուղելու, որ Հայաստանի Հանրապետությունը չի ունեցել եւ չունի Սերժ Սարգսյան անունով նախագահ»:
Ռուբեն Հակոբյանն էլ հավաքվածներին տեղեկացրեց, որ ապրիլի 9-ի հավաքը մի փոքր երկար է տեւելու, պատրաստվեն ու չհոգնեն:
Հռիփսիմե ՋԵԲԵՋՅԱՆ
