Իդա Քարը (Իդա Քարամյան) ծնվել է այն տարիներին (1908թ.), երբ շատերը կարծում էին, որ լուսանկարչությունը կործանում է նկարչական արվեստը: Նա մահացավ դրանից 66 տարի անց՝ 1974թ. և իր ներդրումն ունեցավ նոր արվեստի ձևի՝ լուսանկարչության ստեղծմանը: Գրում է «Հերալդ» պարբերականը՝ անդրադառնալով հայազգի լուսանկարչուհուն:
Նա հայտնի է արվեստագետների և գրողների արած իր դիմանկարներով:
Կարդացեք նաև
Մոտ քառասուն լուսանկարներ, որոնք պատկերում են Փարիզի, Լոնդոնի և Սենթ-Այվսի արվեստագետների դիմանկարները, այժմ ցուցադրվում են Անգլիայի Փլիմեթ քաղաքի արվեստի թանգարանում:
Պարբերականը գրում է, որ նրա անունն ու անցած ուղին մինչև հիմա տարաշխարհիկ է թվում: Նա ծնվել է Ռուսաստանում, հայկական ընտանիքում, 1928թ. տեղափոխվել է Փարիզ՝ սովորելու, լուսանկարչության առաջին քայլերը սկսել է Կահիրեում, իր առաջին ամուսնու հետ 1933թ.:
1945թ. իր երկրորդ ամուսնու՝ արվեստագետ և քննադատ Վիկտոր Մասգրեյվի հետ մեկնել է Լոնդոն:
1960թ. Իդան դարձել է առաջին լուսանկարիչը, որը մենացուցահանդես է ունեցել Լոնդոնի առաջատար ցուցասրահում՝ Ուայթչեպելում:
Իդա Քարի՝ բոհեմական լուսանկարչի ցուցահանդեսը բաց կլինի մինչև ապրիլի 13-ը:
Պատրաստեց Հովհաննես ԻՇԽԱՆՅԱՆԸ
