«Ես կարծում էի, որ կլինեմ այն մարդը, որը հայտնի կդարձնի Հայաստանը, սակայն Քարդաշյանները հաղթեցին ինձ այդ գործում», – գրում է «Ավստրալիան թայմս» թերթի թղթակից Սանդրա Թահմասբին, – «Թեպետ ես հայկական արմատներ ունեմ, սակայն այդ երկիրն այցելելը իմ առաջնային ծրագրերի մեջ երբեք չի եղել»:
Թահմասբին գրում է, որ Երևանը առատ է հյութեղ ծառերով, հիասքանչ այգիներով, հնադարյան ավերակներով, տեսարժան վայրերով, թարմ մրգերով և բնական աղբյուրներով. «Մրգերը թարմ են, օդը մաքուր է, հորիզոնում միշտ եկեղեցիներ են երևում: Չեմ մոռանա Երևանի լավագույն կողմը՝ մեծահոգի մարդկանց, որոնք հյուրընկալում են բարձր մակարդակով»:
Ըստ Թահմասբիի, քաղաքը արագորեն արդիականացվում է՝ փոշոտ փողոցները փոխարինվում են բազմահարկ շենքերով, բազմաթիվ սրճարաններ ու բարեր են բացվում, ինչպես նաև ծաղկում է արվեստը. «Երևանում սիրածս վայրը պատմական շինությունն է, որտեղ տեղակայված է Մեսրոպ Մաշտոցի արձանը, որն իր ուսանողին այբբենարան է սովորեցնում»:
Նա գրում է, որ այնքան է հավանել Հայաստանը, որ իր հետ տարել է մի հուշանվեր, որն իր հետ կլինի ամբողջ կյանքում՝ դաջվածք:
Կարդացեք նաև
Պատրաստեց Հովհաննես ԻՇԽԱՆՅԱՆԸ
