ՀՀԿ շտաբի ղեկավարը Շարմազանովն է
Երեկ ՀՀԿ գործադիր մարմնի նիստից հետո լրագրողների հետ զրույցում ԱԺ նախագահ Հովիկ Աբրահամյանն անդրադարձել էր նաև Երևանի քաղաքապետի ընտրություններին՝ նշելով, որ ավագանու շտաբը ղեկավարում է ՀՀԿ մամուլի խոսնակ Էդուարդ Շարմազանովը:
Լրագրողներից մեկի դիտարկմանը՝ ասում են, թե աշխատանքները կուրացիա է անում վարչապետը, Հովիկ Աբրահամյանը նկատեց, որ ինչո՞ւ այդ հարցը չեն ուղղում վարչապետին:
Մամուլը գրեց նաև, որ Երևանի ավագանու շտաբի աշխատանքները կուրացիա է անում ԱԺ նախագահ Հովիկ Աբրահամյանը: Էդուարդ Շարմազանովը նշեց. «Ինչպես ՀՀԿ բոլոր նախկին ընտրական շտաբները, այնպես էլ Երևանի ավագանու ընտրական շտաբը, հաշվետու է կուսակցության նախագահին և գործադիր մարմնին»:
Հիշեցնենք, որ Երևանի ավագանու ընտրությունում ՀՀԿ շտաբի պետն է Էդուարդ Շարմազանովը, քարոզչության պատասխանատուն` Արմեն Աշոտյանը, իսկ շտաբի պետի տեղակալներն են` Հրայր Թովմասյանը, Արայիկ Քոթանջյանը և Ռուբեն Թադևոսյանը:
