Հայաստանի ազգային հավաքականի եւ Դոնեցկի «Շախտյորի» կիսապաշտպան Հենրիխ Մխիթարյանին ձեռք բերելու մրցապայքարին միացել է նաեւ Մադրիդի «Ռեալը»
sport.obozrevatel.com-ը՝ վկայակոչելով շվեյցարական լրատվամիջոցներից մեկը՝ տեղեկացնում է, որ Մխիթարյանի խաղով հիացած է ինքը` արքայական ակումբի գլխավոր մարզիչ Ժոզե Մոուրինիոն: Աղբյուրի տեղեկություններով, պորտուգալացի մասնագետը ցանկանում է ձեռք բերել տաղանդավոր ֆուտբոլիստին, այդպիսով տրորելով կատալոնյան «Բարսելոնայի», անգլիական «Մանչեսթեր Յունայթեդի», «Չելսիի» եւ մյուս գրանդ ակումբների քթերը:
Աշոտ ՀԱԿՈԲՅԱՆ
