Այսօր «Մեդիա կենտրոնում» ՀՅԴ կուսակցությունից Ռուզան Առաքելյանը անդրադառնալով ավագանու ցուցակում կանանց ներգրավվածությանը, ասաց, որ
Դաշնակցության ավանդապահությունը, դրական իմաստով, միշտ իր արտահայտումն է ունեցել: «Ես միշտ դեմ եմ այն մտայնությանը, որ տղամարդ-կին հակասության մեջ ենք քննարկում այս թեման, սա սխալ է: Կնոջ կերպարը, գործունեությունը պիտի քննարկել կնոջը վերաբերող հարցերի մեջ: Այն, որ մեզ մոտ բարձրագույն կրթություն ունեցող կանայք շատ մեծ թիվ են կազմում` գովելի է, բայց այսօր մեր երկրի մթնոլորտը, մեղմ ասած, կանանց համար չէ: Եթե այսքան սոցիալական բեռ կարող է բարձված լինել կանանց ուսերին…»:
Ոչ տոկոսները, ոչ էլ թվերը, սրանք չէ որ կնոջը պետք է բերի քաղաքականություն, այս կարծիքին է Առաքելյանը. «Այսօր, որ թվով ավելի շատ են, խորհրդարանում կանանց թիվը չեն զիջում նախորդ` թվով քիչ կին պատգամավորներին, որոնք մեր երկրում եղանակ են ստեղծել: Կանայք պիտի մտածեն Հայաստանի մթնոլորտի մասին, քանի որ դեգրադացված մթնոլորտում, կնոջ դերը բարձրացնելը դժվար է»:
Եվա ՀԱԿՈԲՅԱՆ
