«Մեր երկրում բարձրագույն կրթություն ստացողների մեծ մասը կանայք են: Մեր կանանց ներուժը օգտագործված չէ»,- այսօր «Մեդիա կենտրոնում» ասաց ԲՀԿ ավագանու ցուցակում ընդգրկված Թամար Պողոսյանը:
Պողոսյանի խոսքով` սեռային սկզբունքով կնոջը դնել ցուցակի մեջ` չի կարելի, փոխարենը համամասնական ցուցակների պարագայում, կանայք ավելի լավ կմրցակցեն ու դա ավելի ճիշտ կլինի, քանի որ նրանք պետք է հասարակության կողմից ճանաչելի լինեն:
«Կարեւոր չէ, թե ցուցակում քանի կին կա, կարեւորը, թե նրանցից քանիսն են մրցունակ»,- համոզված է Պողոսյանը:
«Կանանց մասին, երբ խոսում են, պետք է ընդունել մի փաստ, հիշել, որ մեր երկրում որոշումներ կայացնում են հիմնականում տղամարդիկ ու դա բոլոր ոլորտներում է եւ այն իրավիճակում, որում մենք հայտնվել ենք այսօր, դա տղամարդկանց պատասխանատվություն է, իսկ հասարակության զարգացման համար պետք է ունենալ այս պատասխանատվությունը կիսելու մեխանիզմներ: Ստեղծված իրավիճակի վերլուծությունը ցույց է տալիս, որ կանանց ռեսուրսն օգտագործված չէ հավուր պատշաճի»,- հավելեց Պողոսյանը:
Կարդացեք նաև
Եվա ՀԱԿՈԲՅԱՆ
