«Սարդարապատ» շարժման նախաձեռնող խմբի համակարգող Ժիրայր Սեֆիլյանի խոսքերով, Պռոշյանի գյուղապետ Հրաչ Մուրադյանը գործող համակարգի հերթական զոհն էր:
«Պատահական չէ, որ կատարվածը գնահատում եմ համակարգի զոհ, որովհետեւ անցյալ տարիներին տեղյակ լինելով, ՏԻՄ ընտրությունների անցուդարձերին, մենք տեղյակ ենք եղել, որ բոլոր ընտրություններն անցել են լարումներով, որովհետեւ մեր երկրում ընտրությունները նման են իշխանությունների կողմից պատրաստվող ռազմական գործընթացների: Այդ պատճառով առանց լարման հնարավոր չէ… Այս դեպքը ենթադրում եմ, որ այս ռեժիմին հնարավոր չի լինելու կոծկել»,- այսօր «Վարկած» ակումբում ասաց պարոն Սեֆիլյանը:
Նրա համոզմամբ, իշխանությունները կորցրել են վերահսկողությունը երկրի ներսում եւ սպանության հետեւում արտաքին ուժերի վարկածը եւս պարոն Սեֆիլյանը չի բացառում. «Չնայած ամեն անգամ գործող համակարգը ավելի է փորձում ուժեղացնել իրենց վերահսկողությունը երկրի ներսում, սակայն նրանք պետք եղած արդյունքը չեն տալիս: Շատ լավ տեսնում ենք` ինչպիսի խոցելի վիճակում ենք գտնվում արտաքին ազդեցությունների կողմից: Այնքան պարարտ է Հայաաստանի ներքաղաքական հողը օտար ուժերի համար, ինչպես կուզեն կուղղորդեն: Այս վարկածը եւս չեմ բացառում»:
Կարդացեք նաև
Արփինե ՍԻՄՈՆՅԱՆ
