Մոտ 50 րոպե առաջ Հրաչյա Քոչար փողոցի՝ դեպի Արաբկիր վարչական շրջանի շենք տանող հատվածում (բենզալցակայանի մոտ) մոտ անհայտ մեքենան հարվածել է ԱԺ նախկին պատգամավոր Զոհրաբ Զոհրաբյանի Սուզուկի մակնիշի մեքենային։ Զոհրաբ Զոհրաբյանը եղել է իր վարորդի հետ։ Հարվածող մեքենան փախել է դեպքի վայրից։ Նրանց երկուսին անգիտակից վիճակում տեղափոխել են Արմենիա բ.կ. ։ Զոհրաբ Զոհրաբյանի ընկերը 168.am-ին ասաց, որ վարորդը հիվանդանոցում գիտակցության է եկել, սակայն Զոհրաբ Զոհրաբյանը դեռևս անգիտակից վիճակում է և գտնվում է վերակենդանացման բաժանմունքում։ Հիշեցնենք, որ նա մարտի սկզբին էր անդամագրվել ԲՀԿ-ին (նախկինում ՀՀԿ անդամ էր)։
Հիվանդանոցից դեռևս ոչ մի տեղեկատվություն չեն տալիս նրա վիճակի մասին։ Զոհրաբյանի ընկերները դեպքի մասին տեղյակ են պահել ԲՀԿ նախագահ Գագիկ Ծառուկյանին։ Նրանք նաև նշում են, որ հիվանդանոցում չկան ոչ ոստիկանության աշխատակիցներ, ոչ էլ ԶԼՄ-ների ներկայացուցիչներ։
