Shamshyan.com– Քիչ առաջ Ոստիկանության Չարենցավանի բաժնի օպերատիվ քննչական խումբը պարզել է այսօր Կարենիս գյուղի «Գյումուշ» ՀԷԿ-ը սնուցող ջրամբարից ջրասուզակների օգնությամբ դուրս բերված, ջրահեղծ եղած տղամարդու և կնոջ ինքնությունը:
Ինչպես հայտնում է ֆոտոլրագրող Գագիկ Շամշյանը, պարզվել է, որ նրանք Կոտայքի մարզի Ալափարս գյուղի բնակիչներ՝ ամուսիններ 79-ամյա Զավեն Սայադյանը և 73-ամյա Ռիփսիկ Սայադյանն են:
Դատաբժշկի եզրակացության համաձայն՝ դիակների վրա բռնության հետքեր չեն հայտնաբերվել:
Ֆոտոլրագրողը հայտնում է նաև, որ Զ. Սայադյանը Կոտայքի մարզի դատախազության դատախազներից մեկի քեռին է:
Ինչպես ավելի վաղ հայտնել էր ֆոտոլրագրող Գագիկ Շամշյանը, այսօր՝ ապրիլի 3-ին, ողբերգական դեպք էր տեղի ունեցել Կոտայքի մարզում: Ժամը 16:00-ի սահմաններում Ոստիկանության Չարենցավանի բաժին ահազանգ էր ստացվել, որ Կարենիս գյուղի «Գյումուշ» ՀԷԿ-ը սնուցող ջրամբարի մեջ տղամարդու դի կա: Փրկարար ծառայության օպերատիվ կառավարման կենտրոնից նշված վայր էին ուղարկել Սևանի հատուկ ջրասուզակին:
Կարդացեք նաև
Տղամարդու դին դուրս բերելուց հետո ջրամբարից ջրասուզակները հանել էին նաև կնոջ դի:
