«Ժառանգության առաջնորդը» բռնացրեց Սեւանում թաքնված ոստիկաններին
Սեւանում ինչպես եւ ենթադրվում էր, Րաֆֆի Հովհաննիսյանի զորահավաքի ժամանակ, հանդիպման ողջ շրջապատը հեղեղված էր ոստիկաններով: Աչքի չզարնելու համար, նրանք մտել էին ամեն մեկը տարածքի մի օբյեկտ՝ խանութ, դեղատուն: Բայց հաշվի առնելով, որ Րաֆֆի Հովհաննիսյանը սովորության համաձայն ուղիղ հանդիպման վայր չի գալիս, շրջում է քաղաքում, մտնում վարսավիրանոցներ, խանութներ, մոտ 5 ոստիկան, այսպես ասած, «բռնվեցին»: Րաֆֆի Հովհաննիսյանը ոստիկաններին ամեն անգամ խանութներում հանդիպելիս հարցնում էր՝ «գնումների՞ եք եկել»:
Հանդիպմանը Րաֆֆի Հովհաննիսյանն ընդգծեց. «Ով մտավ խանութ մի հատ Սեւանում եւ սպառնաց տողատակով, նամյոկով՝ վաղը Սեւանի դատարանի առջեւ ինքը կանգնելու է: Մի՛ անգամ էլ փորձեք մեր երեխաների աչքի առաջ դեմ կանգնեք մեր քաղաքացիներին»: Նա կոչ արեց ոստիկաններին չթաքնվել, դուրս գալ:
«Անցած անգամ ես պատվով, հարգանքներով բարեւեցի քաղաքապետին, որովհետեւ ուրիշ տեղեր իրենց շակալներին, անգամ իրենց մանկավարժ ուսուցիչներին, Կապանում ուղարկում են՝ ինձ հետ զրույց անելու: Վախկոտները, կեղծ հայրենապաշտ, ժողովրդին թալանած, արյունը ծծած անցյալ մարդիկ, պաշտոնյաներ: Ես հարգեցի: Իսկ հարգանքի փոխարեն ի՞նչ արեց: Մի կին ռիսկ արեց ասի, որ ներողություն, ես համաձայն չեմ: Եվ ի՞նչ արեց՝ դատ բացեց կնոջ նկատմամբ: Ասելիք ուներ՝ թող ինձ ասեր, կնո՞ջ նկատմամբ: Սա՞ է Սեւանը»,-ասաց նա:
Կարդացեք նաև
Նա նշեց, որ իր մասին էլ սուտ, ճիշտ, վիրավորական հայտարարություններ եղել են, բայց ինքը դատի չի տվել ոչ մեկին. «Գնում եք դատարան եք կանչում մի կնոջ նկատմամբ, ով ճշմարտություն է ասում»:
Մի մարդ Րաֆֆի Հովհաննիսյանի ելույթի ժամանակ սկսեց գոռալ՝ ցույց տալով հավաքվածներին, որ «սրանք սվոլոչներ են, հենց իրանք են ընտրակեղծիքներ արել, էսօր եկել են միամիտ դեմքով կանգնել են: Հերիք եղավ»:
Րաֆֆի Հովհաննիսյանը փորձում էր կանխել ընթացքում առաջացող բախումներն ու արձագանքները:
Միջադեպ եղավ նաեւ, երբ տարածքում հայտնվեց ՀՀԿ-ի կրծքանշանով մի մարդ ու վստահեցրեց, որ ընտրվել է Սերժ Սարգսյանը:
Հռիփսիմե ՋԵԲԵՋՅԱՆ
Վաղուց նախագահական ընտրությունները ավարտվել են տիկնայք ու պարոնայք: Լավ թե վատ դա տեղի է ունեցել:
Ես կարծում եմ, որ լավ են ընթացել ընտրությունները, սակայն դա էլ կարեվոր չէ:
արմեն,մենք չենք հարմարվելու,դու հարմարվիր,կամ էլ անկեղծ խոսիր մարկանց հետ և իմացիր գոհ են սերժ սարգսյանից ու նրա դրած կառավարությունից,ինքդ որոշիր,իսկ եթե արդեն որոշել ես,ուրեմն օգտվում ես արտոնություններից,և քո քրտինքով չես ապրում։
Չգիտեմ, առագաստը անունդ ա, թե ուղղակի ուղեցել ես նշես, որ քամի շատ ես սիրում, բայց երևում է դպրոցում լավ չես սովորել: Մարդկանց անունները փոքրատառով գրելը եթե քո կարծիքով “քաջություն” է, ապա իմ կարծիքով` անգրագիտություն կամ անդաստիարակություն: Թե որն է, ինքդ որոշիր, իսկ եթե արդեն որոշել ես… կարող ես բացակայես….
Հրանտ Պապիկյան,եթե հիշողությունս չի դավաճանում,Դուք,ժամանակին նկատողություն էիք անում մարդկանց դու-ով դիմելու համար։Թե՞ ժամանակները փոխվեցին։Սիրուն չի․․․․․))))
Բայց առագաստը կարծեմ անձ չէ, այլ իր: ՈՒղղակի երևի գրել կարդալ իմացող առագաստ է, հետո իր անունը նույնպես փոքրատառով է գրել, Արմենին դու-ով է դիմել: Եթե հոգնակի դիմեմ, կստացվի ` “առագաստներ”)))))), հարգելի Նորիկ Ղազարյան