Սոցիոլոգ Ահարոն Ադիբեկյանի տվյալներով, առաջիկա ավագանու ընտրություններին Երեւանի ընտրողների 67 տոկոսն է ակտիվ ընտրող:
«Այսինքն՝ 3-ից մեկը ընտրական գործընթացներով հետաքրքրված չէ… Հիմա տալիս ենք մեկնարկային փուլի տվյալները: Երեւանի ընտրություններով հետաքրքրված 67 տոկոսից 28 տոկոսը հնարավորինս բոլոր իրադարձություններին աշխատում են լինել իրազեկ, 27 տոկոսը միայն կարեւոր իրադարձություններին է հետեւում, 12- տոկոսը դեռ չի հետեւում, այսինքն՝ ընտրությունները հենց հասնեն կիզակետին, նոր կսկսեն հետեւել»,- այսօր «Պոստ սկրիպտում» ակումբում ասաց սոցիոլոգը:
Մարտին 1290 ընտրողների միջեւ անցկացրած ուսումնասիրությունների արդյունքում սոցիոլոգը պարզել է, որ ընտրողներն ամենաշատը տեղեկացված են
ՀՀԿ-ի մասնակցության մասին: 82 տոկոսը՝ ՀՀԿ-ի, ԲՀԿ-ից՝ 58,4 տոկոսը,
Կարդացեք նաև
«Ժառանգությունից»` 42,2 տոկոսը, ՕԵԿ-ից `20,7 տոկոսը, ՀՅԴ-ից` 13 տոկոսը,
Կոնգրեսից` 12,1 տոկոսը եւ «Առաքելությունից»` 7 տոկոսը:
«Առաքելությանը» չենք մտցրել հաշվարկի մեջ, որովհետեւ կանխատեսում ենք, որ նա վարկանիշային սանդղակի հազիվ մեկ տոկոսն անցի: Չենք ուզում ջանք ու եռանդ ծախսել: Դա կոչվում է մոխրագույն ձիուկ, որը մրցաշարի մեջ չի երեւում, դրանց չենք դիտարկել»:
Իսկ քաղաքապետի թեկնածուներն ըստ կուսակցությունների՝ հարցին, կրկին ՀՀԿ-ի թեկնածուն է առաջատար դիրքերում: Ըստ սոցիոլոգի` ՀՀԿ-ական Տարոն Մարգարյանի մասին իրազեկ են 72,6 տոկոսը, ԲՀԿ-ական Վարդան Օսկանյանի` 29,9 տոկոսը, «Ժառանգության» Արմեն Մարտիրոսյանի` 12,3 տոկոսը, ՀՅԴ-ական Արմեն Ռուստամյանի եւ ՕԵԿ-ական Արմեն Երիցյանի մասին՝ 7,5 տոկոսը եւՎիգեն Խաչատրյանի մասին` 4,7 տոկոսը:
Ի դեպ, ինչպես պարոն Ադիբեկյանն ասաց, այս սոցիոլոգիական հարցումները 4 պատվիրատու ունի. «Մեկը ՀՀԿ-ն է, մեկը մասնակից կուսակցություն է, իսկ երկուսն էլ տեղամասային շտաբներն են»:
Արփինե ՍԻՄՈՆՅԱՆ
Պարոն Ադիբեկյան, մոխրագույն ձիուկ,темная лошадка, նշանակում է ,թեկնածու, որը հաղթում է մրցաշարը,բոլորի կողմից շատ անսպասելի կերպով: Երբ ասում են темная лошадка նկատի ունեն, որ հենց այդ թեկնածուն կարող է հաղթել, իսկ դուք ասում եք որ այդ կուսակցությունը նույնիսկ 1 տոկոս չի հավաքի:Եթե Դուք չգիտեք պայմանական բառակապակցությունների իմաստը , ինչպես եք Դուք նման մեծ նշանակություն ունեցող սոցհարցումներ իրականացնում? Բացատրում եմ օրինակի վրա, եթե պարոն Ադիբեկյանը մասնակցեր աշխարհի լավագույն սոցիոլոգ նամինացիային և հաղթեր, կամ շատ քիչ մնար,որ հաղթեր ,բոլորը կասեին,- այ քեզ Ադիբեկյան-իսկական մոխրագույն ձիուկ::ՃՃՃՃ