ՀՀ գյուղատնտեսության փոխնախարար Ռոբերտ Մակարյանն այսօր լրագրողների հետ հանդիպման ժամանակ հայտարարեց, որ պտուղ-բանջարեղեն վերամշակող գրեթե բոլոր գործարանները պատրաստ են պայմանագրեր կնքելու գյուղացիների հետ:
«Եթե լինեն գործարաններ, որոնք չեն ցանկանա պայմանագրեր կնքել, մենք արդեն աշխատանքներ կտանենք այդ գործարանների հետ կամ գյուղացիներին կուղղորդենք այլ գործարաններ»,-նշեց փոխնախարարը ու հավաստիացրեց, որ կարտոֆիլի բերքի իրացման հետ կապված գյուղացիներն անհանգստանալու առիթ չպետք է ունենան:
«Կարտոֆիլի մեծածավալ գնում իրականացնելու է «Սպայկա» ընկերությունը: Արդեն մի քանի օր է՝ Գեղարքունիքի եւ Շիրակի մարզերում սկսվել են այդ աշխատանքները: Առաջիկա մի քանի օրերին Արագածոտնի մի քանի համայնքներից կսկսեն իրացնել: «Սպայկա» ընկերությունը պատրաստ է գնելու շուրջ 2500 տոննա կարտոֆիլ»:
Աշոտ ԱԹԱՅԱՆ
Կարդացեք նաև
