ՀՀ նախագահի երդմնակալության՝ թվով վեցերորդ արարողությունը խոստանում է թեժ լինել: Ընտրության պաշտոնական արդյունքներով 2-րդը ճանաչված Րաֆֆի Հովհաննիսյանի կողմնակիցները մտադիր են նախագահի պաշտոնամուտի այլընտրանքային արարողություն կազմակերպել՝ համարելով, որ Սերժ Սարգսյանը չի ընտրվել և չի կարող երդվել՝ ապահովել Հանրապետության անկախությունը, տարածքային ամբողջականությունը եւ անվտանգությունը` ի փառս Հայաստանի Հանրապետության եւ ի բարօրություն ՀՀ ժողովրդի:
Իսկ ինչպիսի՞ մթնոլորտում են անցել ՀՀ նախագահների նախորդ 5 ինաուգուրացիաները:
ՀՀ առաջին նախագահ Լեւոն Տեր-Պետրոսյանի երդմնակալությունը 1991-ի նոյեմբերի 11-ին էր: Մեր պետությունը դեռ չուներ Սահմանադրություն, եւ որոշվեց, որ իբրեւ խորհրդանիշ հարկավոր է ընտրել ավանդույթի ուժով ամրագրված որեւէ սրբություն: Որպես այդպիսին ընտրվեց Աստվածաշունչը` հաշվի առնելով նաեւ, որ հայերն առաջինն են աշխարհում պետականորեն ընդունել քրիստոնեությունը: ՀՀ նախագահի երդման համար ԱԺ հատուկ նիստին Մատենադարանից բերվեց հայկական հնագույն ամբողջական ձեռագիրը` 7-րդ դարի Վեհամոր ավետարանը: ՀՀ առաջին նախագահ Լեւոն Տեր-Պետրոսյանը երդվեց` աջը ավետարանին դրած:
1996-ի նոյեմբերին դարձյալ Լեւոն Տեր Պետրոսյանն էր երդմամբ ստանձնելու ՀՀ նախագահի պաշտոնը: Այս անգամ, սակայն, Հայաստանն արդեն ուներ Սահմանադրություն, եւ բնական է, որ նախագահը երդվեց արդեն Վեհամոր ավետարանի եւ ՀՀ Սահմանադրության մայր օրինակի առաջ: Այս երդմնակալությունն առաջինն էր, որին ներկա չէր ընտրություններում պարտված հիմնական թեկնածուն:
Կարդացեք նաև
Մանրամասն՝ կարդացեք այստեղ
