Առաջին տպավորությամբ տարօրինակ թվացող ու զարմանք առաջացնոսղ «Առավոտ երիտասարդականի» հարցերն ուղղված երիտասարդներին շարունակվում են 🙂 Օրվա հարցն է՝ «Ո՞վ է որոշողը», պատասխանները տարբեր են՝ սկսած ծիծաղելիներից մինչև չափազանց լուրջ:
«Իհարկե պետությունը, – կարծում է 22-ամյա Հրանտը, – մենք միայն ենթարկվողներն ենք կամ էլ ընդվզողները, չնայած մակերեսորեն ցույց են տալիս, թե ժողովուրդն է որոշում, բայց դե հետո տեսնում ենք ժողովրդի որոշումն ու պետությանը և համոզվում, թե ով է իրական որոշողը, և ով ձևական»
«Ամեն մարդ իր գլխի տերն է, բայց այդ տերը ոչ միշտ է շահողի դերում լինում», – ասում է 20-ամյա Հեղինեն
«Ճիշտն ասած, մաման միշտ ուզում էր, որ ես բժիշկ դառնամ, բայց ատամհատիկիս օրը ապացուցեցի, որ որոշողի միշտ ես եմ. բժշկությունը ապագա չի, կարևորը բիզնեսն ա», – ժպտում է 18-ամյա Գրիգորը 🙂 :
21-ամյա Լիլիթն էլ կարծում է` որոշողը միշտ խնդիր բարձրացնողն է. «Եթե խնդիր ես բարձրացնում, դու արդեն ունես քո որոշումը խնդրի վերաբերյալ», – ասում է նա:
«Մենք բոլորս էլ որոշողներ ենք, – ասում է 19-ամյա Գայանեն, – կենցաղային հարցերից մինչև գլոբալ խնդիրներ յուրաքանչյուր օր մեր որոշումն ենք կայացնում»:
Տիգրանուհի Թասլակյան
