ՀՀԿ փոխնախագահ Գալուստ Սահակյանը «հերթական անհեթեթություն» համարեց ոստիկանություն բերման ենթարկված ԲՀԿ-ական երիտասարդի մասին լուրը:
Zham.am-ի տեղեկություններով, բերման ենթարկված երիտասարդից պահանջում են ավագանու ընտրություններում չաշխատել ԲՀԿ-ի համար:
«Ծանոթ չեմ դեպքին: Արդեն մոդայիկ է դարձել երիտասարդների շրջանում` ինչ-որ խախտումներ եթե լինում են, անմիջապես վերագրում են այս կամ այն կուսակցությանը, որ այս կուսակցության անդամ ենք, քաղաքական հետապնդում է: Վատ օրինակ է»,- Aravot.am-ին ասաց պարոն Սահակյանը:
Նրա խոսքերով. «Նման իրավիճակում, մանավանդ հետաքննվող գործերը, չի կարելի բերել քաղաքական դաշտ: Քաղաքական դաշտն ավելի լուրջ խնդիրներ ունի, քան կողքից կարող ենք ինտրիգներով խառնաշփոթ ստեղծել: Հանցագործության հետ գործ ունենք: Մեր երկրում որեւէ խախտում, զանցանք, հանցանք, երբ կատարվում է, անպայման պետք է բերենք , ասենք քաղաքական գործով է: Քաղաքականությունն այդքան չի կարելի տրորել»:
Կարդացեք նաև
Արփինե ՍԻՄՈՆՅԱՆ
