Այսօր «Հաշմանդամություն ունեցող անձանց իրավունքների պաշտպանության եւ սոցիալական ներառման մասին» ՀՀ օրենքի նախագծի փաթեթի քննարկման ժամանակ դժգոհություն հնչեց, որ Երեւան քաղաքի բազմաբնակարան շենքերի վերելակներն ու մուտքերը ոչ մի հարմարություն չեն ընձեռում հաշմանդամություն ունեցող անձանց գոնե դուրս գալ շենքի բակ:
Դժգոհությանն անդրադարձած փոխքաղաքապետ Կամո Արեյանի հավաստմամբ, խորհրդային տարիներին կառուցված բազմաբնակարան շենքերից եւ ոչ մեկը հարմարեցված չէ հաշմանդամություն ունեցող մարդկանց համար:
«Որեւէ շենքում նախատեսված չէ թեքահարթակներ, բռնակներ մուտքերում ու թեքահարթակներ մուտք տանող աստիճանների մոտ: Դրա համար էլ հայտնվել ենք այսպիսի վիճակում: Ես ձեզ վստահեցնում եմ, որ օրենքի նոր նախագծով երկար ժամանակ է պահանջվելու այդ շենքերը հարմարեցնելու համար»:
Փոխքաղաքապետը նշեց, որ այժմ Երեւան քաղաքում կառուցվող որեւէ շինություն ավարտական ակտ չի ստանում, եթե այն չունի հաշմանդամություն ունեցող անձանց համար նախատեսված թեքահարթակներ ազատ տեղաշարժվելու համար:
Կարդացեք նաև
«Բացի մասնավոր տներից, որոնք անձի սեփականությունն են եւ կառուցվում են իրենց տերերի հայեցողությամբ»,-նշեց Կ. Արեյանը:
Աշոտ ԱԹԱՅԱՆ
