Բարի օր, եթերում Այբ-ֆեի հիմնական թողակումն է»:
Այսպես հինգ տարի ամեն օր «Ա1+»-ի լրատվական թողարկման պատասխանատուները ողջունում էին իրենց հավատարիմ հեռուստադիտողին:
2002 թվականի ապրիլի 2-ին հեռուստադիտողը վերջին անգամ տեսավ իրեն ամեն օր զույգ ժամերից տասնհինգ պակաս ողջունող թիմին:
«Ա1+»-ի ազդանշանը հայաստանյան հեռուստաէկրանին երեւաց վերջին անգամ:
Հեռուստեսության եւ ռադիոյի ազգային հանձնաժողովը` Գրիգոր Ամալյանի գլխավորությամբ, առանց հաշվի առնելու հանրային կարծիքն ու ապրիլի երկուսին նախորդած հանրային քննարկումները, եթերազրկեց «Ա1+»-ը:
«Ա1+»-ը Եթերազրկվեց, բայց չփակվեց: Այն շարունակում է հավատարիմ մնալ իր սկզբունքներին ու իր հեռուստադիտողին, այսօր` նաեւ ընթերցողին ու ինտերնետ օգտատերերին:
«Դիտեք մեզ, ճանաչեք Ձեզ»…
«Կարդացեք մեզ, Ճանաչեք Ձեզ»…
Այս կարգախոսը ուղեկցում է «Ա1+»-ին արդեն տասնհինգ տարի: Սա կարգախոս չէ, այլ կրեդո «Ա1+»-ի յուրաքանչյուր լրագրողի համար:
Կարդացեք նաև
«Ա1+»-ի եթերազրկումից հետո հեռուստադիտող հասարակությունը ոտքի կանգնեց եւ պահանջեց վերանայել ՀՌԱՀ-ի որոշումը: Բազմահազարանոց ցույցեր, երթեր, հանրահավաքներ, քաղաքական ընդդիմությունը իշխանություններին ուղղված պահանջներում ներառեց նաեւ «Ա1+»- ին եթեր վերադարձնելու պահանջը:
Իսկ «Ա1+»- ը շարունակում էր իր հիմնական առաքելությունն անգամ եթերազրկումից ժամեր հետո, պատրաստում էր օրվա լրահոսը եւ Ազատության հրապարակում հատուկ տեղադրված մոնիտորի միջոցով եթեր հեռարձակում:
Մանրամասն՝ կարդացեք այստեղ
