Բոսթոնի տաքսի մեքենաների արդյունաբերության արքա Էդվարդ Թութունջյանը, որը ժամանակին տաքսու վարորդ էր, 40 տարի առաջ սկսեց գնել տաքսու արտոնագրեր և մեդալիոններ (ամերիկյան դեղին տաքսի մեքենաներ): Գրում է «Բոսթոն գլոբ» թերթը:
Այժմ նրան են պատկանում Բոսթոնի տաքսիներից 5-ից մեկը: Հորդանանում ծնված ու պատանի հասակում Վոթերթաուն ներգաղթած Թութունջյանը դարձել Բոսթոնի ամենաաննկատ մեծահարուստը և ունի 372 մեդալիոն: Նա նաև լիմուզինի ծառայություններ մատուցող ընկերություն ունի և տասնյակ այլ ընկերություններ ամբողջ Մասաչուսեթս նահանգում:
«Բոլորը կարող են այդպես անել», – ասել է Վարդգես Մուշեղյանը, որը Թութունջյանի բարեկամն է կնոջ կողմից, – «Եթե դու վճռական ես ու եռանդով ես աշխատում, հնարավորությունները գալիս ու ընկնում են գիրկդ»:
Թութունջյանը ծնվել է 1949թ. Հորդանանի Ամման քաղաքում: Նրա հայրը, որը հինգ երեխա ուներ՝ մահացել է, երբ Էդվարդը դեռ երեխա էր, իսկ նրա Ջորջ անունով եղբայրը օգնում էր ընտանիքին՝ արհեստավոր աշխատելով: Թութունջյանը իր առաջին մեդալիոնը գնել է 1972 կամ 1974թ. մոտ 30 000 դոլարով, բայց շարունակել է ևս մի քանի տարի տաքսի վարել:
Կարդացեք նաև
Թութունջյանը շարունակում է կապված մնալ հայկական արմատներին: Վերջերս Վոթերթաունում տեղի ունեցած հայկական փառատոնի ժամանակ նա հայկական գինիներ էր մատակարարել և հանգանակություն էր արել տեղի եկեղեցուն:
Պատրաստեց Հովհաննես ԻՇԽԱՆՅԱՆԸ
