«Այսօր Քրիստոսի պես հարություն առած մեկը Րաֆֆի Հովհաննիսյանի կերպարով եկել է, որ փրկի ձեզ»,- այսօր այսպես ներկայացրեցին Րաֆֆի Հովհաննիսյանին Եղվարդում:
Րաֆֆի Հովհաննիսյանն ընդգծեց, որ առաջին անգամ է, որ Եղվարդում ոչ թե այսքան քիչ, այլ այսքան շատ մարդ հավաքված է. «Չնայած պաշտոնական տվյալներին, Եղվարդը դորս է գալիս իր վախից: Պաշտոնական տվյալով Եղվարդում 35 տոկոս: Դուք գիտ՞ք դա ինչ է նշանակում, դա նշանակում է, որ իրականում 70 տոկոս»:
«Ժառանգություն» խմբակցության ղեկավար Ռուբեն Հակոբյանը նկատեց, որ մարդկանց դեմքին թախիծ կա, միգուցե մտածում են՝ ո՞նց, ինչի՞ չստացվեց, չնայաշն ձայն են տվել: Րաֆֆի Հովհաննիսյանը եղվարդցիների աչքերում այլ բան տեսավ. «Ես տեսնում եմ հաղթանակի ոգին»:
Րաֆֆի Հովհաննիսյանը Եղվարդում վստահեցրեց, որ ապրիլի 9-ին ժամը 11-ից պետք է ի կատար ածեն փետրվարի 18-ի վճիռը. «Եթե ոստիկանները բաց պահեն ճանապարհները, մեր գլխի վրա տեղ ունի, իսկ եթե ոչ՝ զանգահարեք մեր հեռախոսահամարներին եւ կտեսնեք, որ շատ շուտ այդ հարցը կլուծվի»:
Կարդացեք նաև
Նա նշեց, որ սա միայն իր ճանապարհը չէ. «Հեշտ է տանը նստել ու սպասել՝ Րաֆֆին կանի կամ չի անի: Փրկիչներ չեն լիելու: Դուք ինձ հետ կամ տանում եք այս պայքարը դեպի հայրենիքի փրկություն, կամ ամեն մեկդ իր զղջումը կունենա»:
Հռիփսիմե ՋԵԲԵՋՅԱՆ
