Ինչո՞ւ Րաֆֆի Հովհաննիսյանը հացադուլը դադարեցրեց մինչեւ Սերժ Սարգսյանի երդմնակալության արարողությունը: Արդյոք նա Ազատության հրապարակը հանձնեց իշխանություններին:
«Ճիշտ վարվեց, եթե տակտիկական հնարները, մարտավարական հնարքները պարզ են, ապա դիմացինը համապատասխան գործողության սցենար է կազմում, եւ մեզ մոտ մենք գիտենք` դա ինչ է` թրըխկ-շրըխկ, ջարդենք-փշրենք, վերջանա-գնա: Նա խուսանավումի մարտավարություն է վարում»,- ասաց քաղաքագետ Լեւոն Շիրինյանը։
Քաղաքագետը չի կարծում, թե թողնելով հացադուլն ու լքելով Ազատության հրապարակը՝ Րաֆֆի Հովհաննիսյանը հիասթափեցրել է իր համակիրներին եւ ընտրազանգված կորցրել. «Սա մի պայքար է ազգային ինքնագիտակցության վերածննդի, մարդկանց մտածելակերպի փոփոխության պայքար: Նրա գործածած հայեցակարգերը հասկանալի են միայն նրանց, որոնք գիտեն քաղաքական պատմություն»։
Պարոն Շիրինյանը համոզված է` համապատասխան աշխատանքի եւ համբերության դեպքում Րաֆֆի Հովհաննիսյանին կհաջողվի հասնել փոփոխությունների։
Կարդացեք նաև
Քաղաքագետ Գեղամ Նազարյանի կարծիքով` Րաֆֆի Հովհաննիսյանը Ազատության հրապարկը չի հանաձնել, քանի որ երբեք էլ իրենը չի եղել;. « Րաֆֆի Հովհաննիսյանն այն չի վերցրել, այնտեղ նա պարզապես հացադուլ, սովադուլ, վախադուլ եւ այլ “դուլ”-երի մեջ էր նա եւ որոշեց վերջացնել ոչ թե ապրիլի 9-ին, այլ ավելի շուտ: Կարծում եմ՝ պատճառը նա է, որ նա արդեն իսկ հասկացավ, որ Սերժ Սարգսյանը չի պատրաստվում ոչ հրաժարվել նախագահի պաշտոնից, եւ ոչ էլ երդման արարողությունից»։
Մանրամասները կարդացեք այստեղ:
