Հավատարմագրումն իրականացվում է ամենաբարձր մակարդակով: Թուրքիայի ԱԳ նախարար Ահմեդ Դավիթօղլուն խնդրել է իր գերմանացի պաշտոնակից Գիդո Վեսթերվելլեին երաշխավորել թուրք լրագրողների հնարավորությունը լուսաբանելու նեոնացիստների նկատմամբ դատավարությունը:
Ըստ euronews.com-ի՝ Հաշվի առնելով, որ այդ խմբավորման տասը զոհերից ութը Թուրքիայից էին՝ Անկարան ցանկանում է ուշադիր հետեւել դատաքննությանը: Սակայն դատարանի դահլիճում ԶԼՄ-ներին հատկացված է միայն 50 տեղ, եւ բոլորը բաժին են հասել գերմանական մամուլի ներկայացուցիչներին, որոնք հասցրել են առաջինը հայտ ներկայացնել:
«Տարօրինակ է, որ դատարանի դահլիճ չեն թողնում «Նյու Յորք Թայմսին», բայց այն, որ այնտեղ կարող է չլինել մեր մամուլի ներկայացուցիչը՝ բացարձակապես անհասկանալի եւ անհանդուրժելի է»,- ասում է թուրքական «Անկախություն» թերթի թղթակից Սելալ Օսկանը:
Մյունխենում դատավարությունը կսկսվի ապրիլի 17-ին:
